ដោយ ម៉ារ៉ា៖
Xiaomi ជាក្រុមហ៊ុនបច្ចេកវិទ្យាយក្សរបស់ចិន បានអនុវត្តដោយជោគជ័យនូវស្វ័យប្រវត្តិកម្មនៅក្នុងរោងចក្រថាមពលថ្មី (NEV) ក្នុងទីក្រុងប៉េកាំង ដោយបានប្រើ មនុស្សយន្តជាង 700 ដើម្បីជួយបង្កើនប្រសិទ្ធភាពផលិតកម្ម ។
នៅឆ្នាំ 2021 ក្រុមហ៊ុនបានឆ្ពោះចូលទៅក្នុងឧស្សាហកម្មរថយន្តថាមពលថ្មី ហើយវាទើបតែដាក់បង្ហាញរថយន្តថាមពលថ្មីដំបូងរបស់ខ្លួនក្នុងខែមីនា ឆ្នាំកន្លងទៅ ។
រោងចក្រផលិតរថយន្តថាមពលថ្មីរបស់ក្រុមហ៊ុន Xiaomi គ្របដណ្តប់លើផ្ទៃដីជាង 700,000 ម៉ែត្រការ៉េ ដោយប្រើប្រាស់មនុស្សយន្តជាង 700 នៅក្នុងដំណើរការផលិតរថយន្តពេញលេញ។
រោងចក្រមានបច្ចេកវិជ្ជាទំនើបដូចជាការបោះត្រា ការផលិតគ្រឿងបន្លាស់រថយន្តខាងក្រៅ ដូចជាទ្វារ ជាដើមចំណាយពេលត្រឹមតែ 4 វិនាទីជាមធ្យម ។
ទិន្នន័យពីសមាគមក្រុមហ៊ុនផលិតរថយន្តចិនបង្ហាញថា នៅឆ្នាំ 2023 ការផលិតរថយន្តថាមពលថ្មីបានកើនឡើង 35.8% ហើយការលក់បានកើនឡើង 37.9% សរុបការលក់រថយន្តថាមពលថ្មីរបស់ប្រទេសចិនមានចំនួនជិត 65% នៃការលក់រថយន្តថាមពលថ្មីនៅជុំវិញពិភពលោក ។ ប្រទេសចិនគឺជាអ្នកផលិត និងចែកចាយរថយន្តលំដាប់កំពូល របស់ពិភពលោករយៈពេល 9 ឆ្នាំជាប់ៗគ្នា ៕
ប្រភពពី China Media Group (CMG)