ដោយ សាវុឌ្ឍ៖
កាសែតបរទេសរាយការណ៍(mgronline)ថា ក្រសួងសន្តិសុខជាតិចិនប្រកាសច្បាប់ថ្មី ផ្តល់សិទ្ធិអំណាចដល់មន្ត្រីសន្តិសុខក្នុងការស្វែងរកឧបករណ៍អេឡិចត្រូនិក រួមទាំងស្មាតហ្វូន និងកុំព្យូទ័រយួរដៃ ដើម្បីពង្រឹងសន្តិសុខជាតិ និងប្រឆាំងទង្វើដែលបង្កគ្រោះថ្នាក់ដល់សន្តិសុខជាតិ និងការរកចារកម្មបរទេស ។
នៅពេលដែលប៉ូលីសយ៉ាងហោចណាស់ពីរនាក់ បានបង្ហាញប័ណ្ណប៉ូលីស ដែកគេអាចត្រួតពិនិត្យសារ អ៊ីមែល ក្រុមជជែកនៅលើកម្មវិធីផ្សេងៗ ក៏ដូចជាឯកសារ រូបភាព ឯកសារអូឌីយ៉ូ និងឈុតវីដេអូនៅលើឧបករណ៍អេឡិចត្រូនិចបាន ។
ច្បាប់ថ្មីនេះអនុញ្ញាតឱ្យប៉ូលិសបញ្ឈប់ពលរដ្ឋនិងអ្នកទេសចរឱ្យឆែកឆេរឧបករណ៍អេឡិចត្រូនិករបស់ពួកគេដោយគ្មានដីកា ឬកំពុងស្ថិតនៅក្រោមការស៊ើបអង្កេតព្រហ្មទណ្ឌ ។
អ្នកវិភាគនិយាយថា ច្បាប់ថ្មីនេះនឹងបង្កើតការភ័យខ្លាចក្នុងប្រទេសចិន ហើយវាធ្វើឲ្យមនុស្សមានការគ្រប់គ្រងលើឥរិយាបថរបស់ខ្លួនច្រើនជាងមុនទៅទៀត ៕