លោក គៀរ ស្តារមើ នាយករដ្ឋមន្ត្រីថ្មីនៃចក្រភពអង់គ្លេស គាត់មានប្រភពពីណា?
ដោយ សូរ្យសែង៖
លោក គៀរ ស្តារមើ គឺជានាយករដ្ឋមន្ត្រីថ្មីនៃចក្រភពអង់គ្លេស ពីគណបក្សការងារ ក៏ជាគណបក្សប្រឆាំងបានទទួលជ័យជម្នះភ្លូកទឹកភ្លូកដីលើគណបក្សអភិរក្សនិយម ដែលកាន់អំណាចអស់រយៈពេល ១៤ ឆ្នាំ។
គណបក្សប្រឆាំងនេះះះ បានឈ្នះសំឡេងភាគច្រើននៅក្នុងសភានៅក្នុងការបោះឆ្នោតទូទៅរបស់ប្រទេស តាមរយៈការផ្តួលរំលំគណបក្សអភិរក្សដែលបានកាន់កាប់អាសនៈក្នុងសភាអស់រយៈពេល 14 ឆ្នាំ ត្រូវចាកចេញក្រោយការបោះឆ្នោតសកលនៅចក្រភពអង់គ្លេសនៅថ្ងៃទី 5 ខែកក្កដា ២០២៤ ទទួលជ័យជម្នះភ្លូកទឹកភ្លូកដី។
គេរំពឹងថានឹងមានសមាជិកជាប់ឆ្នោតចំនួន 410រូប ខណៈគណបក្សអភិរក្ស គណបក្សកាន់អំណាច បានត្រឹម 131 អាសនៈ ដែលធ្វើឱ្យលោក គៀរ ស្តារមើ ក្លាយជានាយករដ្ឋមន្ត្រីថ្មីនៃចក្រភពអង់គ្លេស។
លោក គៀរ ស្តារមើ អាយុ 61 ឆ្នាំ ជាមួយនឹងឆាកខាងក្រោយគួរឱ្យចាប់អារម្មណ៍ ។
- ធំឡើងក្នុងគ្រួសារវណ្ណៈកម្មករនៅ Surrey
- បានបញ្ចប់ការសិក្សាថ្នាក់ច្បាប់ពីសាកលវិទ្យាល័យ Leeds និង Oxford
- មានបទពិសោធន៍ជាមេធាវីសិទ្ធិមនុស្ស
- ពីមុនកាន់តំណែងជាប្រធានការិយាល័យអយ្យការសាធារណៈ
- ចូលប្រឡូកក្នុងឆាកនយោបាយនៅឆ្នាំ២០១៥ ជាប់ឆ្នោតជាប្រធានគណបក្សការងារឆ្នាំ២០២០។
លោកបានសន្យាថានឹងដឹកនាំគណបក្សការងារទៅកាន់យុគសម័យថ្មីប្រកបដោយភាពជឿជាក់ និងក្តីសង្ឃឹម។ ជាមួយនឹងគោលនយោបាយសំខាន់ៗ រួមមាន៖
- បង្កើនប្រសិទ្ធភាពនៃប្រព័ន្ធសុខភាពជាតិ (NHS)
- កំណែទម្រង់គោលនយោបាយអន្តោប្រវេសន៍
- ដោះស្រាយបញ្ហាលំនៅដ្ឋាន
- អភិវឌ្ឍប្រព័ន្ធអប់រំ
ជីវិតគ្រួសារ៖
- រៀបការជាមួយលោកស្រី វិចតូរៀ អាឡិចសាន់ឌឺ
- មានកូន២នាក់
ការផ្លាស់ប្តូរនេះឆ្លុះបញ្ចាំងពីការចង់បានរបស់ប្រជាជន ដែលចង់ឃើញមាគ៌ាថ្មីក្នុងការគ្រប់គ្រងប្រទេស បន្ទាប់ពីគណបក្សអភិរក្សបានកាន់អំណាចជាយូរមកហើយ ៕
ប្រភព reuters
អត្ថបទប្រហាក់ប្រហែល
ពាណិជ្ជកម្ម
អត្ថបទថ្មីៗ
អត្ថបទពេញនិយម