ដោយ ម៉ារ៉ាៈ
from: matichon
ទីភ្នាក់ងារសារព័ត៌មាន BBC បានរាយការណ៍ថា លោក តេ យ៉ុង-ហូ អាយុ ៦២ឆ្នាំ ជាអតីតអ្នកការទូតកូរ៉េខាងជើង ដែលពីមុនធ្លាប់ធ្វើជាឯកអគ្គរដ្ឋទូតកូរ៉េខាងជើងប្រចាំចក្រភពអង់គ្លេស មុនពេលគាត់ភៀសខ្លួនទៅកូរ៉េខាងត្បូងក្នុងឆ្នាំ 2016 គាត់ត្រូវបានតែងតាំងជាប្រធានក្រុមប្រឹក្សាការបង្រួបបង្រួមរបស់ប្រធានាធិបតីកូរ៉េខាងត្បូង គាត់ជាមនុស្សដំបូងគេដែលទទួលបានតំណែងធំ ។
រដ្ឋាភិបាលកូរ៉េខាងជើងបានចោទប្រកាន់លោក តេ ពីបទពាក់ព័ន្ធនឹងការក្លែងបន្លំ និងបទឧក្រិដ្ឋផ្សេងៗ ។
លោក តេ គឺជាជនជាតិកូរ៉េខាងជើងដំបូងគេដែលឈ្នះអាសនៈនៅក្នុងសភារបស់ប្រទេសកូរ៉េខាងត្បូងក្នុងឆ្នាំ 2020។ ទោះបីជាយ៉ាងណា គាត់មិនអាចឈ្នះអាណត្តិទីពីរនៅក្នុងការបោះឆ្នោតនៅក្នុងខែមេសានោះទេ ប៉ុន្តែនៅក្នុងមុខតំណែងថ្មីនេះគាត់បានទទួល ធ្វើឱ្យគាត់មានទំនួលខុសត្រូវក្នុងការណែនាំសមាជិកគណៈរដ្ឋមន្ត្រីក្រោមការដឹកនាំរបស់ប្រធានាធិបតីកូរ៉េខាងត្បូង យូន ស៊ុក យេល ស្តីពីការបង្រួបបង្រួមកូរ៉េឡើងវិញដោយសន្តិវិធី ។
លោក តេ កើតនៅឆ្នាំ ១៩៦២ នៅទីក្រុងព្យុងយ៉ាង កូរ៉េខាងជើង គាត់បានចូលបម្រើរដ្ឋាភិបាលក្នុងកិច្ចការបរទេសនៅអាយុ 27 ឆ្នាំ ជាកន្លែងដែលគាត់បានចំណាយពេលជិត 30 ឆ្នាំធ្វើការនៅក្នុងរដ្ឋាភិបាលគ្រួសារ គីម ជុងអ៊ុន ចំនួន ៣ អាណត្តិ ។
តេ ធ្លាប់បញ្ជាក់ថា គាត់បានរត់គេចខ្លួនពីកូរ៉េខាងជើង ព្រោះមិនចង់ឲ្យកូនមានជីវិតសោកសៅ លោកស្អប់ខ្ពើមរដ្ឋាភិបាលរបស់លោក គីម ជុងអ៊ុន និងកោតសរសើរលទ្ធិប្រជាធិបតេយ្យរបស់កូរ៉េខាងត្បូង។
នៅក្នុងសៀវភៅរបស់គាត់ ដែលត្រូវបានបោះពុម្ពនៅឆ្នាំនេះ លោក តេ បានសរសេរអំពីប្រវត្តិគ្រួសាររបស់មេដឹកនាំ និងរបបផ្តាច់ការរបស់គ្រួសារ គីម ដែលចាក់ឫសយ៉ាងជ្រៅនៅក្នុងសង្គម ។
បន្ទាប់ពីរត់ភៀសខ្លួន លោក តេ បានតស៊ូមតិក្នុងការប្រើអំណាចទន់(soft power) ដើម្បីធ្វើឲ្យឥទ្ធិពលរបស់គ្រួសារ គីម ចុះខ្សោយ។ លោកក៏បានអំពាវនាវឱ្យមានការដោះដូរអ្នកទោសរវាងកូរ៉េខាងជើង និងកូរ៉េខាងត្បូង ផងដែរ ៕