By bong Rith:
លោក ដូណាល់ ត្រាំ បានជ្រើសរើសលោក J.D. Vance សមាជិកព្រឹទ្ធសភាមកពីរដ្ឋ Ohio វាជាបេក្ខជនប្រជែងតំណែងអនុប្រធានាធិបតីកាលពីថ្ងៃទី ១៥ កក្កដា ដោយលើកកម្រិតឲ្យអ្នកនយោបាយម្នាក់ដែលធ្លាប់រិះគន់គាត់នូវពាក្យគំរោះគំរើយដាក់គាត់ ប៉ុន្តែចាប់តាំងពីពេលនោះមក គាត់បានក្លាយជាអ្នកការពារដ៏រឹងមាំបំផុតរបស់លោក ត្រាំ ។
ត្រាំ បានសរសេរទៅកាន់ Trust Social ថា «បន្ទាប់ពីបានពិចារណា និងគិតច្រើន ពិចារណាហើយពិចារណាទៀត ថាគាត់ជាអ្នកមានទេពកោសល្យ។ ខ្ញុំបានសម្រេចចិត្តថា បុគ្គលនេះស័ក្តិសមបំផុតសម្រាប់តំណែងជាអនុប្រធានាធិបតីសហរដ្ឋអាមេរិក នោះគឺសមាជិកព្រឹទ្ធសភា J.D. Vance នៃរដ្ឋ Ohio»។
ការជ្រើសរើស James David Vance អាចជួយបង្កើនឱកាសរបស់លោក ត្រាំ នៅក្នុងការបោះឆ្នោតនៅថ្ងៃទី 5 ខែវិច្ឆិកា 2024 ខាងមុខ ខណៈដែលលោក Vance មានដើមកំណើតនៅរដ្ឋ Ohio មានការវាយតម្លៃខ្ពស់ក្នុងសាធារណរដ្ឋនេះ។
ទោះជាយ៉ាងណាក៏ដោយ លោក Vance គឺជាអ្នកនយោបាយអភិរក្សនិយមជ្រុលមកពីរដ្ឋដែលគាំទ្រគណបក្សសាធារណរដ្ឋ តែអ្នកគាំទ្រ ត្រាំ មួយចំនួនកំពុងជំរុញឱ្យគាត់ជ្រើសរើសស្ត្រី ឬមនុស្សដែលមានពណ៌សម្បុរជាមិត្ត ។
ទីប្រឹក្សាមួយចំនួនរបស់ ត្រាំ បាននិយាយថា លោក ត្រាំ ផ្ដោតលើការជ្រើសរើសគូប្រជែងតំណែងអនុប្រធានាធិបតី ទៅរកនរណាម្នាក់ដែលជាអ្នកទុកចិត្ត ហើយអាចដើរក្បែរគ្នាបាន ។
លោក Dan Eberhert អ្នកជំនួញប្រេង ម្ចាស់ជំនួយរបស់ ត្រាំ បានមើលការជ្រើសរើសលោក Vance ជាសញ្ញានៃភាពជឿជាក់នៅក្នុងយុទ្ធនាការ ត្រាំ ថាគាត់នឹងឈ្នះលើប្រធានាធិបតី ចូ បៃដេន ទោះបីជាការស្ទង់មតិផ្សេងៗបង្ហាញថា អ្នកទាំងពីរនៅតែប្រកៀកគ្នាទូទាំងប្រទេសក៏ដោយ ប៉ុន្តែ ត្រាំ មានសំឡេងនាំមុខច្រើននៅក្នុងការបោះឆ្នោតដ៏ពេញនិយមនៅក្នុងរដ្ឋសមរភូមិស្ទើរតែទាំងអស់ ។
ការដែល ត្រាំ ជ្រើសរើសលោក Vance ហាក់បានមើលរំលងបេក្ខជនមានសក្តានុពលផ្សេងទៀត ដែលពួកគេជាសមាជិកព្រឹទ្ធសភា Marco Rubio និងសមាជិកព្រឹទ្ធសភា Tim Scott ក៏ដូចជាអភិបាលរដ្ឋ North Dakota លោក Doug Burgum ជាដើម។
លោក Vance ខ្លួនឯងបានរិះគន់យ៉ាងចាស់ដៃទៅលើលោក ត្រាំ មុននិងក្រោយការទទួលជ័យជម្នះលើលោកស្រី Hillary Clinton ពីគណបក្សប្រជាធិបតេយ្យនៅក្នុងការបោះឆ្នោតឆ្នាំ 2016 ដោយបានហៅគាត់ថា «មនុស្សល្ងង់» និង «ហ៊ីត្លែរ របស់អាមេរិក» និងពាក្យអសុរោះផ្សេងទៀត។
ប៉ុន្តែនៅពេលដែលលោក Vance ប្រកួតប្រជែងដើម្បីឈរឈ្មោះសម្រាប់ព្រឹទ្ធសភាសហរដ្ឋអាមេរិកក្នុងរដ្ឋ Ohio ក្នុងឆ្នាំ 2022 គាត់បានផ្លាស់ប្តូរមាយាទរបស់គាត់ ដោយក្លាយជាអ្នកការពារដ៏រឹងមាំបំផុតរបស់លោក ត្រាំ សូម្បីតែសមាជិកព្រឹទ្ធសភាផ្សេងទៀតក៏ដោយ មិនធ្វើដូច្នេះទេ ។
លោក Vance ក៏បានបន្ទរការរិះគន់របស់លោក ត្រាំ លើវិធីសាស្រ្តរបស់ក្រសួងយុត្តិធម៌ក្នុងការកាត់ទោសពួកកុបកម្មនៅថ្ងៃទី 6 ខែមករា ឆ្នាំ 2021 ផងដែរ ។ លោកបដិសេធការរិះគន់លោក ត្រាំ បន្ទាប់ពីករណីជំរុញឲ្យប្រធានាធិបតី វ្ល៉ាឌីមៀ ពូទីន របស់រុស្ស៊ីវាយប្រហារសម្ព័ន្ធមិត្តណាតូរបស់អាមេរិក ។
ក្រុមយុទ្ធនាការរបស់ ចូ បៃដេន បានបញ្ជាក់នៅក្នុងសេចក្តីថ្លែងការណ៍ បានរិះគន់ចំពោះទង្វើនេះ ដោយនិយាយថា ត្រាំ ជ្រើសរើសលោក Vance ដោយសារតែគាត់ជាព្រឹទ្ធសមាជិកមកពីរដ្ឋ Ohio នឹងមិនឈរនៅក្នុងផ្លូវរបស់គាត់ទេ ។ ប្រសិនបើអតីតប្រធានាធិបតីអនុវត្តអំណាចផ្តាច់ការណាមួយ ក្នុងពេលកាន់តំណែង លោកខុសពីលោក Mike Pence ដែលជាបេក្ខជនអនុប្រធានាធិបតីមុនរបស់លោក ។
លោក Pence ដែលជាដៃគូប្រជែងតំណែងអនុប្រធានាធិបតីពីរសម័យសម្រាប់ ត្រាំ មិនបានគាំទ្រអតីតចៅហ្វាយរបស់គាត់នៅក្នុងការបោះឆ្នោតនៅឆ្នាំនេះទេ ៕