by Bong Rith:
លោក ចូ បៃដេន (Joe Biden) បានប្រកាសដកខ្លួនពីការឈរឈ្មោះពីតំណែងប្រធានាធិបតីសហរដ្ឋអាមេរិក ដែលនឹងមកដល់រយៈពេលប្រមាណ ៤ ខែទៀត ហើយគាត់នឹងត្រៀមប្រកាសលម្អិតនៅចុងសប្តាហ៍នេះ។ លោក បៃដេន ត្រៀមខ្លួនជាស្រេចដើម្បីគាំទ្រលោកស្រី កាម៉ាឡា ហ៊ែរីស (Kamala Harris) ជាតំណាងគណបក្សប្រជាធិបតេយ្យជំនួសវិញ ។
គាត់បានបង្ហោះសារនៅលើ X ថា «រយៈពេល ៣ ឆ្នាំកន្លះកន្លងមក យើងមានការរីកចម្រើនយ៉ាងខ្លាំង ដែលបច្ចុប្បន្ន សហរដ្ឋអាមេរិកមានសេដ្ឋកិច្ចខ្លាំងជាងគេលើពិភពលោក។ យើងបានពង្រីកការថែទាំសុខភាពដល់ជនជាតិអាមេរិក អនុម័តច្បាប់សុវត្ថិភាពកាំភ្លើងដំបូងក្នុងរយៈពេល 30 ឆ្នាំ តែងតាំងស្ត្រីស្បែកខ្មៅដំបូងគេនៅតុលាការកំពូល រួមទាំងការអនុម័តច្បាប់អាកាសធាតុដែលមានសារៈសំខាន់ចំពោះប្រវត្តិសាស្ត្រពិភពលោក» ។
លោក បៃដេន បាននិយាយថា វាជាកិត្តិយសដ៏អស្ចារ្យបំផុតក្នុងជីវិតរបស់លោកដែលបានធ្វើជាប្រធានាធិបតី ហើយវាជាផលប្រយោជន៍ដ៏ល្អបំផុតរបស់បក្ស និងប្រទេស ដែលបានបំពេញតួនាទីក្នុងនាមជាប្រធានាធិបតីសម្រាប់អាណត្តិដែលនៅសល់របស់លោក។
លើសពីនេះ លោក ចូ បៃដេន ក៏បានប្រកាសគាំទ្រលោកស្រី កាម៉ាឡា ហ៊ែរីស ជាអនុប្រធានាធិបតីសហរដ្ឋអាមេរិកផងដែរ ហើយក៏ត្រូវបានគេតែងតាំងឲ្យឈរឈ្មោះសម្រាប់តំណែងគណបក្សប្រជាធិបតេយ្យជំនួសលោកផងដែរ។
សម្រាប់ការបោះឆ្នោតប្រធានាធិបតីអាមេរិក នឹងប្រព្រឹត្តទៅនៅខែវិច្ឆិកា ឆ្នាំ 2024 ដោយបុគ្គលដែលត្រូវបានតែងតាំងជាបេក្ខជនមកពីគណបក្សសាធារណរដ្ឋ គឺលោក ដូណាល់ ត្រាំ (Donald Trump) ៕