ថៃ ហាមសកម្មភាពកម្សាន្ តនៅទីក្រុងបាងកក និង រាយការណ៍ករណីស្លាប់ដោយសារ COVID-19

ព័ត៌មានអន្តរជាតិថ្ងៃច័ន្ទុ ទី17 ខែឩសភា ឆ្នាំ2021 ម៉ោង 6:08 នាទី ល្ងាច

ថៃ៖ ប្រទេសថៃបានប្រកាសពីការស្លាប់ ដោយសារវីរុសកូរ៉ូណាលើកដំបូងរបស់ខ្លួន ក្នុងរយៈពេលជិត ២ខែ និងបានរឹតបន្តឹងការរឹតត្បិតលើអាជីវកម្មកម្សាន្តនានា នៅក្នុងរាជធានីរបស់ខ្លួនកាលពីថ្ងៃច័ន្ទ ក្នុងគោលបំណងទប់ស្កាត់ការផ្ទុះរាលដាល ដែលបានគ្របដណ្ដប់លើខេត្តជាច្រើន ជាងពាក់កណ្ដាលរបស់ប្រទេសនេះ។

ក្រុមអាជ្ញាធរបានបញ្ជាក់ពីការឆ្លងថ្មីចំនួន ១៤៤ករណីកាលពីថ្ងៃច័ន្ទ ខណៈដែលការឆ្លងជាក្រុមថ្មីបានកើតចេញពីការផ្ទុះដ៏ធំបំផុតរបស់ខ្លួន ដែលជំរុញឲ្យមានការហាមប្រាមនៅក្នុងទីក្រុងបាងកក លើអាជីវកម្មភ្នាល់ប្រាក់ និងការបិទសកម្មភាពកម្សាន្តកណ្ដាលអធ្រាត្រសម្រាប់រង្គសាល ក្លឹបរាត្រី និងកន្លែងកប្រគំតន្ត្រីរហូតដល់ថ្ងៃទី៤ មករា ២០២១។ វិធានការតឹងរ៉ឹងនៅទីក្រុងបាងកក អនុវត្តតាមបទបញ្ជាស្រដៀងគ្នានៅក្នុងខេត្តចំនួន ៤៣ ដែលមានករណីឆ្លងចាប់តាំងពីការផ្ទុះឡើងដ៏ធំមួយ ត្រូវបានគេរកឃើញកាលពី ១១ថ្ងៃមុនក្នុងចំណោមពលករចំណាកស្រុក នៅឯផ្សារលក់អាហារសមុទ្រមួយនៅខេត្តសាមុតសាខន ដែលជាខេត្តស្ថិតនៅក្បែររាជធានីបាងកក។

ករណីឆ្លងជាក្រុមមួយ ត្រូវបានគេរកឃើញនៅខេត្តរ៉ាក់យ៉ងភាគខាងកើត ដែលបានជាប់ពាក់ព័ន្ធទៅនឹងបនល្បែងមួយកន្លែង ដោយមានការឆ្លងចំនួន ៩២នាក់ក្នុងរយៈពេល ៣ថ្ងៃ និងករណីស្លាប់ម្នាក់គឺបុរសវ័យ ៤៥ឆ្នាំ។ រដ្ឋាភិបាលបានរាយការណ៍កាលពីថ្ងៃច័ន្ទថា មានករណីឆ្លងថ្មីនៃ Covid-19 ចំនួន ១៥៥នាក់ ក្នុងនោះមានករណីឆ្លងក្នុងស្រុកចំនួន ១៣៤នាក់, ១១នាក់ជាកម្មករចំណាកស្រុក និង ១០នាក់ជាអ្នកដែលត្រូវបានដាក់ឲ្យនៅដាច់ដោយឡែកនៅពេលទៅដល់ ដែលនាំឲ្យអ្នកឆ្លងសរុបកើនឡើងដល់ ៦,៤៤០នាក់ និងអ្នកស្លាប់ហក់ឡើងដល់ ៦១នាក់៕

ហាមធ្វើការចម្លងអត្ថបទ ដោយមិនមានការអនុញ្ញាត្តិ។

ភ្ជាប់ទំនាក់ទំនងជាមួយយើងឥឡូវនេះ

អត្ថបទប្រហាក់ប្រហែល