ទម្លាយបម្រាមចម្លែក ១០ ចំណុចដែលមេដឹកនាំកូរ៉េខាងជើង មិនពេញចិត្ត
ដោយ សាវុឌ្ឍ៖
រហូតមកទល់នឹងពេលនេះ គ្មានគ្រូបារអាចារ្យសិទ្ធិមនុស្សណា ទៅជាន់ដី ឬសូម្បីហ៊ានទៅស្រែកដាក់ប្រទេសកូរ៉េខាងជើង ឲ្យគោរពសិទ្ធិមនុស្សទេ ។ ច្បាប់ និងវិន័យផ្តាច់ការរបស់មេដឹកនាំកូរ៉េខាងជើង មហាលោតផ្លោះ មហាអស្ចារ្យ សូម្បីស្តាប់ចម្រៀងក៏ប្រហារជីវិតដែរ ។
ទម្លាយបម្រាមចម្លែកៗ ១០ យ៉ាងរបស់មេដឹកនាំកូរ៉េខាងជើង ដែលមិនពេញចិត្ត ។ អ្វីដែលមិនគាត់មិនចូលចិត្តហើយត្រូវតែមានទោស ដូចកាលពីខែមុន គីម ជុងអ៊ុន បានបញ្ជាឱ្យប្រហារជីវិតមន្ត្រីរដ្ឋាភិបាលចំនួន 30 នាក់ ដោយការធ្វេសប្រហែសឲ្យមានទឹកជំនន់នៅមូលដ្ឋាន ដែលធ្វើឱ្យមនុស្ស 4,000 នាក់ស្លាប់ ។
រឿងផ្សេងៗទៀត មេដឹកនាំរូបនេះ បានបញ្ជាឱ្យដាក់ទណ្ឌកម្មយ៉ាងធ្ងន់ធ្ងរ រហូតប្រហារជីវិតសិស្សសាលាមធ្យមសិក្សាជាង 30 នាក់នៅចំពោះមុខសាធារណជន បន្ទាប់ពីក្មេងៗបានលួចមើល និងស្តាប់បទចម្រៀង K-pop ពីប្រទេសកូរ៉េខាងត្បូង ។
ថ្មីៗនេះ Listvers ដែលជាគេហទំព័រដាក់ចំណាត់ថ្នាក់រឿងក្នុងពិភពលោក បានដាក់ចំណាត់ថ្នាក់ 10 យ៉ាងដែលហាមប្រាមនៅក្នុងប្រទេសកូរ៉េខាងជើង។ ទោះបីជាវាជារឿងធម្មតានៅកន្លែងផ្សេងៗក៏ដោយ ប៉ុន្តែប្រសិនបើធ្វើនៅកូរ៉េខាងជើង វាអាចនឹងទទួលទោសប្រហារជីវិត។
- ហាមប្រើអ៊ីនធឺណិត
អ៊ីធឺណិតត្រូវបានគ្រប់គ្រងដោយផ្ទាល់ដោយរដ្ឋាភិបាល។ អ្នកដែលត្រូវបានអនុញ្ញាតឱ្យប្រើមាន អ្នកវិទ្យាសាស្ត្រ មន្ត្រីរដ្ឋាភិបាល ហើយមានតែសិស្សខ្លះប៉ុណ្ណោះ។
- ហាមញញឹមនៅថ្ងៃទី 8 ខែកក្កដា
ត្រូវហាមញញឹមនៅថ្ងៃទី ៨ ខែកក្កដា ព្រោះជាថ្ងៃនៃការបាត់បង់គ្រួសារលោក គីម ជុងអ៊ុន ព្រោះជាថ្ងៃខួបនៃមរណភាពរបស់មេដឹកនាំកូរ៉េខាងជើង «គីម អ៊ីលស៊ុង» ។ អ្នកណាបំពានអាចត្រូវបានបញ្ជូនទៅជំរុំប្រមូលផ្តុំ ឬត្រូវចំណាយមួយជីវិតរបស់អ្នក។
- ហាមមើលប៉ុស្តិ៍បរទេស
ព្រោះគេចាត់ទុកថា ការមើលប៉ុស្តិ៍បរទេសគឺជាការគំរាមកំហែងជាតិ។ ហេតុផលដូចគ្នានេះអនុវត្តចំពោះអ៊ីនធឺណិត។ រឿងនេះធ្ងន់ធ្ងរល្មមនឹងទាមទារអាយុជីវិត។
- ហាមបើកបរ
អនុញ្ញាតឱ្យបើកបរតែមន្ត្រីរដ្ឋាភិបាលជាន់ខ្ពស់ប៉ុណ្ណោះ។ ចំណែកសាធារណជនទូទៅត្រូវប្រើតែមធ្យោបាយធ្វើដំណើរសាធារណៈប៉ុណ្ណោះ ឬជិះកង់ជំនួស ។
5.ហាមធ្វើដំណើរគេចទៅក្រៅប្រទេស
មនុស្សជាច្រើនបានបាត់បង់ជីវិត ដោយសារព្យាយាមរត់គេចខ្លួន។ ចំណែកអ្នកណាត្រូវចាប់បាន វាសនារបស់គេមិនខុសគ្នាទេ ព្រោះគេមានគ្រួសារជាចំណាប់ខ្មាំង ។
- ហាមស្លៀកខោខូវប៊យ
ត្រឡប់ទៅឆ្នាំ 2021 លោក គីម ជុងអ៊ុន បានចេញច្បាប់យ៉ាងតឹងរឹង ហាមមិនឱ្យស្លៀកខោតឹង ខោខូវប៊យ ចោះត្រចៀក ចោះបបូរមាត់ ព្រោះវាត្រូវបានគេចាត់ទុកជាវត្ថុក្នុងពិភពមូលធននិយម។
- ហាមទំនាក់ទំនងឆ្លងប្រទេស
កាលពីឆ្នាំ 2007 កូរ៉េខាងជើងបានបញ្ជាឱ្យកាត់ទោសប្រហារជីវិតថៅកែរោងចក្រម្នាក់នៅ ចំពោះមុខមនុស្ស 150,000 នាក់នៅក្នុងកីឡដ្ឋានមួយ ដោយសារតែគាត់លួចលាក់ទូរស័ព្ទជាច្រើនគ្រឿង និងហៅទូរស័ព្ទទៅក្រៅប្រទេស ។
- ជ្រើសរើសអាជីពមិនបាន
ប្រជាជនកូរ៉េខាងជើងគ្មានសិទ្ធិជ្រើសរើសការងារទេ ព្រោះក្រោយពេលរៀនចប់ ពលរដ្ឋគ្រប់រូបត្រូវចូលបម្រើយោធា។ បុរសនឹងបម្រើរយៈពេល 10 ឆ្នាំ ចំណែកស្ត្រីនឹងបម្រើរហូតដល់អាយុ 23 ឆ្នាំ ហើយបន្ទាប់ពីចាកចេញពីយោធា ពួកគេនឹងទទួលបានកិច្ចការមួយជីវិតពីរដ្ឋាភិបាល ការងារនោះមិនអាចចរចាបានទាល់តែសោះ។
- ហាមធ្វើម៉ូតសក់
ហេតុផលដូចគ្នានេះអនុវត្តចំពោះខោខូវប៊យ។ បុរសមិនត្រូវបានអនុញ្ញាតឱ្យមានសក់វែងជាង 2 អ៊ីញ (5 សង់ទីម៉ែត្រ) និងមិនអាចពាក់សក់ត្រង់ ឬលាបពណ៌ឡើយ ព្រោះទុកជា «ម៉ូដសក់សង្គមនិយម» និងស្ត្រីមានតែ 14 ម៉ូដប៉ុណ្ណោះ ។
- ត្រូវតែស្នេហាជាតិ
ប្រជាជនកូរ៉េខាងជើងទាំងអស់ត្រូវតែស្បថសច្ចាប្រណិធាន ស្មោះត្រង់ និងស្តាប់បង្គាប់លោក គីម ជុងអ៊ុន ប្រសិនបើអ្នកណាប្រឆាំង នឹងត្រូវកាត់ទោសប្រហារជីវិត ៕
ប្រភព : springnews,listverse
អត្ថបទប្រហាក់ប្រហែល
ពាណិជ្ជកម្ម
អត្ថបទថ្មីៗ
អត្ថបទពេញនិយម