កងកុម្ម៉ង់ដូអ៊ីស្រាអែល វាយឆ្មក់ចូលទីក្រុងកំពង់ផែលីបង់ ចាប់ខ្លួនអ្នកជំនាញហេសប៊ូឡា (Hezbollah)
កងកម្លាំងប្រតិបត្តិការពិសេសរបស់អ៊ីស្រាអែល បានវាយឆ្មក់ចូលទីក្រុងកំពង់ផែមួយ នៅប្រទេសលីបង់ភាគខាងជើង និងឃាត់ខ្លួនបុរសម្នាក់ ជា«អ្នកជំនាញខាងដែនសមុទ្រ» របស់ហេសប៊ូឡា ។
ទីភ្នាក់ងារសារព័ត៌មានបរទេសរាយការណ៍ពីទីក្រុងតេវអាវីវ (Tel Aviv) ប្រទេសអ៊ីស្រាអែល នៅថ្ងៃទី៣ វិច្ឆិកានេះថា កងទ័ពអ៊ីស្រាអែលបានចេញសេចក្តីថ្លែងការណ៍មួយថា ក្រុមប្រតិបត្តិការពិសេសបានទៅតំបន់មួយក្នុងប្រទេសលីបង់ ហើយចាប់បានសមាជិកជាន់ខ្ពស់នៃក្រុមហេសបូឡា។ ក្រោយមក បុរសនោះត្រូវបានកងកុម្ម៉ង់ដូនាំទៅអ៊ីស្រាអែលវិញ ហើយកំពុងស្ថិតក្រោមការសាកសួរយ៉ាងហ្មត់ចត់ ។
ចំណែកទីភ្នាក់ងារសារព័ត៌មានជាតិលីបង់ (LNA) រាយការណ៍បន្ថែមថា ទាហានអ៊ីស្រាអែលបានប្រើកប៉ាល់ល្បឿនលឿន ដឹក«កងទ័ពជើងគោក» ក្នុងក្រុង Batroun នៅជិតទីក្រុងទ្រីប៉ូលី ដែលជាទីក្រុងឆ្នេរសមុទ្រធំបំផុត នៅភាគខាងជើងប្រទេសលីបង់ ។ ទាហានអ៊ីស្រាអែលបានឆែកឆេរផ្ទះប្រណីតមួយនៅលើឆ្នេរ។ បុរសជនជាតិលីបង់ម្នាក់ត្រូវបានគេនាំមកលើយន្តហោះ ហើយបើកទូកត្រឡប់មកវិញក្នុងពេលដ៏ខ្លី កាលពីយប់ថ្ងៃទី ១ វិច្ឆិកា ២០២៤ ។
របាយការណ៍ LNA បានដកស្រង់ព័ត៌មានពីប្រភពព័ត៌មានថា បុរសដែលត្រូវបានឃាត់ខ្លួនមានអាយុ ៣០ឆ្នាំ និងជានិស្សិតនៅវិទ្យាស្ថានវិទ្យាសាស្ត្រសមុទ្រ និងបច្ចេកវិទ្យា (Marsati) ជាស្ថាប័នអប់រំរបស់រដ្ឋ គាត់ជិតបញ្ចប់ការសិក្សា ៕
ប្រភព AFP
ដោយ ម៉ារ៉ា
អត្ថបទប្រហាក់ប្រហែល
ពាណិជ្ជកម្ម
អត្ថបទថ្មីៗ
អត្ថបទពេញនិយម