កំពូលតារាអាមេរិកគ្រោងនឹងធ្វើដំណើរពីទីក្រុងប៉ារីស ទៅកាន់ប្រទេសកំណើតរបស់គាត់ ដើម្បីបោះឆ្នោតជ្រើសរើសមេដឹកនាំថ្មី ដោយប្រកាសគាំទ្រពេញទំហឹងចំពោះគណបក្សប្រជាធិបតេយ្យ ។

ព័ត៌មានពីថ្ងៃទី 31 ខែតុលា ឆ្នាំ 2024 លោកស្រី «ម៉ាដូណា» ដែលជាកំពូលតារាចម្រៀងប៉ុបវ័យ 66 ឆ្នាំ បានបង្ហោះរូបភាព និងសារនៅលើបណ្តាញសង្គម បង្ហាញយ៉ាងច្បាស់នូវការគាំទ្រចំពោះបេក្ខជនប្រធានាធិបតីនៃគណបក្សប្រជាធិបតេយ្យរបស់សហរដ្ឋអាមេរិក គឺលោកស្រី កាមេឡា ហែរីស ។

មហាសេដ្ឋីតន្ត្រីប៉ុបដ៏ល្បីល្បាញនេះ បានបង្ហោះរូបថតរបស់លោកស្រី ជាមួយនឹងចំណងជើងនៅលើ Instagram ដោយមានខ្លឹមសារថា លោកស្រីទើបតែបានធ្វើដំណើរទៅប៉ារីសនាពេលថ្មីៗនេះ រួចប្រញាប់ត្រឡប់ទៅសហរដ្ឋអាមេរិកវិញ ដើម្បីបោះឆ្នោតដ៏សំខាន់ជ្រើសរើសប្រធានាធិបតីថ្មី។

ម៉ាដូណា គឺជាតារាអាមេរិកចុងក្រោយគេ ដែលបង្ហាញការគាំទ្រចំពោះ ហែរីស។ អ្នក​តំណាង​បាន​ឈរ​ឈ្មោះ​ជា​បេក្ខភាព​ប្រធានាធិបតី​នៃ​គណបក្ស​ប្រជាធិបតេយ្យ បន្ទាប់ពីតារាល្បីៗផ្សេងទៀត ដូចជា ជេនីហ្វើរ អានីស្តុន (Jennifer Aniston), ឡេអូណាដូ ឌីកាព្រីយ៉ូ (Leonardo Dicaprio) និង អាណុល (Arnold Schwarzenegger) ។

ម៉ាដូណា ធ្លាប់បានសម្តែងការគាំទ្ររបស់នាងចំពោះអ្នកនយោបាយកាលពីឆ្នាំ 2020 ដោយប្រកាសថានាងគាំទ្រលោក ចូ បៃដេន (Joe Biden) និងលោកស្រី កាមេឡា ហែរី ជាអនុប្រធាន ។

Leonardo Dicaprio

Arnold Schwarzenegger

ចំណែកខាងលោក ដូណាល់ ត្រាំ (Donald Trump) ដែលជាគូប្រជែងសំខាន់របស់លោកស្រី ហែរីស ក៏មាន តារាល្បីៗ ពិភពជំនួញ កីឡាករ និងមជ្ឈដ្ឋានកម្សាន្ត ក៏បានប្រកាសគាំទ្រគាត់ផងដែរ ដូចជា អ៊ីឡុន មឺស(Elon Musk), មេល ជីបសុន (Mel Gibson), ដេន្នីស ហ្គេត (Dennis Quaid), រុស្សែល ប្រេនដ៍ (Russell Brand) និង ជេសុន អាល់ឌេន (Jason Aldean) ជាដើម ៕

Elon Musk

Mel Gibson

Dennis Quaid

Russell Brand

Jason Aldean

ប្រភព independent.co.uk

រូបភាព GETTY IMAGES

ដោយ សាវុឌ្ឍ