កូនត្នោតដែលបានដាំកាលពីថ្ងៃទី ២៧ ខែកក្កដា ឆ្នាំ២០២៤ ចំនួន ១.៥៦១ដើម ស្ថិតនៅភូមិចំបក់ប្រាសាទ ឃុំក្រាំងស្តារ ស្រុកទឹកផុស ខេត្តកំពង់ឆ្នាំង បានរីកលូតលាស់យ៉ាងល្អប្រសើរ ។ ដើមត្នោតនេះ ផ្តល់ដោយឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន មិនថានៅខេត្តកំពង់ឆ្នាំងតែមួយប៉ុណ្ណោះទេ នៅខេត្តតាមបណ្តោយព្រំដែនក៏នឹងសង្ឃឹមថា បានធំរីកលូតលាស់ដូចគ្នា សម្រាប់ការពារព្រំដែនរបស់ខ្មែរយើងផងដែរ ។

នៅគម្លាតដើមត្នោត មានដាំដើមចេកជាជួរច្រើនដើមផងដែរ ដែលសង្ឃឹមថា តក់ៗនឹងពេញបំពង់ ដាំកូនត្នោតពីឥឡូវ នឹងបានផ្លែផ្កានៅថ្ងៃក្រោយ សម្រាប់កូនចៅប្រជានុរាស្ត្រប្រើប្រាស់តាមតម្រូវការ ៕