ចំណុចបញ្ចប់របស់លោក យូន? គ្មានផ្លូវសម្រាប់ដើរ...

ព័ត៌មានអន្តរជាតិថ្ងៃព្រហស្បត្តិ៍ ទី05 ខែធ្នូ ឆ្នាំ2024 ម៉ោង 6:49 នាទី ល្ងាច

Bong Rith:

ប្រធានាធិបតីកូរ៉េខាងត្បូង យូន ស៊ុក យ៉ូល (Yoon Suk Yeol) កំពុងប្រឈមមុខនឹងសម្ពាធខ្លាំងឡើងៗ តាំងពីថ្ងៃពុធ ទី ៤ ធ្នូ បន្ទាប់ពីលោកបានប្រកាសច្បាប់អាជ្ញាសឹកយ៉ាងខ្លី ខណៈសមាជិកសភាបានត្រៀមខ្លួនដើម្បីចោទប្រកាន់ដកលោកពីតំណែង។ សហជីពមួយក្នុងចំណោមសហជីពធំបំផុតរបស់ប្រទេសនេះក៏បានប្រកាសដើរចេញដើម្បីទាមទារឱ្យលោក យូន ចុះចេញពីតំណែងផងដែរ ។

ប្រធានាធិបតីកូរ៉េខាងត្បូង បាននិយាយតាមទូរទស្សន៍ថា បេសកកម្មរបស់គាត់គឺដើម្បី «លុបបំបាត់ក្រុមប្រឆាំងរដ្ឋ» និង «ការពារសណ្តាប់ធ្នាប់រដ្ឋធម្មនុញ្ញ» ។ វាគឺជាបទបញ្ជាច្បាប់អាជ្ញាសឹកជាលើកដំបូងចាប់តាំងពីប្រទេសកូរ៉េខាងត្បូងក្លាយជាប្រទេសប្រជាធិបតេយ្យកាលពី 40 ឆ្នាំមុន ប៉ុន្តែការប្រកាសរបស់គាត់ត្រូវបានបដិសេធនៅក្នុងសភាជាមួយនឹងសម្លេង 190 ទល់ 0 ហើយភ្លាមៗ លោក យូន ត្រូវប្រកាសលុបច្បាប់អាជ្ញាសឹកវិញ ។

គណបក្សប្រជាធិបតេយ្យប្រឆាំងដ៏សំខាន់របស់ប្រទេស បានប្រកាសថាខ្លួននឹងចាប់ផ្តើមដំណើរការចោទប្រកាន់លោក យូន ឲ្យលាលែងពីតំណែងជាមេដឹកនាំប្រទេស ប្រសិនបើគាត់មិនលាលែងពីតំណែងភ្លាមៗទេ ក្រុមការងារធំមួយគឺសហភាពសហជីពកូរ៉េបានប្រកាសថាខ្លួននឹងតវ៉ានិងចាប់ផ្តើកូដកម្មមិនកំណត់ រហូតដល់ លោក យូន លាលែងពីតំណែង ។

នៅក្នុងគណបក្សអំណាចប្រជាជនអភិរក្សផ្ទាល់របស់គាត់ សមាជិកជាច្រើនក៏បានរិះគន់លោក យូន យ៉ាងចាស់ដៃដែរ ហើយបានចូលរួមបោះឆ្នោតលុបចោលច្បាប់អាជ្ញាសឹក ។

សារព័ត៌មានអភិរក្សនិយម Chosun Ilbo ដែលជាកាសែតធំបំផុតនៅក្នុងប្រទេស វាបាននិយាយនៅក្នុងវិចារណកថាថាការប្រកាសច្បាប់អាជ្ញាសឹកគឺ «គួរឱ្យអស់សំណើចនិងមិនធ្លាប់មានពីមុនមក» ហើយថា «ស្ទើរតែគ្មាននរណាម្នាក់» យល់ស្របនឹងហេតុផលរបស់ប្រធានាធិបតី ថាប្រទេសកំពុងប្រឈមមុខនឹងភាពអាសន្ន!

ចាប់តាំងពីក្លាយជាមេដឹកនាំប្រទេសក្នុងឆ្នាំ 2022 លោក យូន ដែលពីមុនធ្លាប់ធ្វើជាអគ្គមេធាវី បានប្រឈមមុខនឹងការប្រឆាំងប្រជាប្រិយភាពរបស់គាត់មានកម្រិតទាប ចំពេលមានការចោទប្រកាន់ពីបទពុករលួយពាក់ព័ន្ធនឹងភរិយា គឺ លោកស្រី គីម គីយុន ហ៊ី ហើយខ្លួនឯងត្រូវបានចោទប្រកាន់ពីបទធ្វើបាបប្រព័ន្ធផ្សព្វផ្សាយ ។

លោកប្រធានាធិបតីបានឆ្លើយតបដោយនិយាយថាអ្នកប្រឆាំងគឺជាអ្នកគាំទ្រកូរ៉េខាងជើង។ ហើយបាននិយាយថា មនុស្សទាំងនោះ«ប្រឆាំងនឹងរដ្ឋ»រហូតដល់ចំណុចដែលរដ្ឋាភិបាលមិនអាចធ្វើការធម្មតា។

ចំពេលអស្ថិរភាពនយោបាយ ដំណើរការចោទប្រកាន់លោក Yoon អាចចាប់ផ្តើមប្រសិនបើសមាជិកសភាអភិរក្សនិយមត្រឹមតែប្រាំបីនាក់ ងាកចេញពីប្រធានាធិបតី។ អ្នកវិភាគនិយាយថា យូន ទំនងជាមិនអាចបញ្ចប់អាណត្តិប្រធានាធិបតីរយៈពេលប្រាំឆ្នាំរបស់គាត់បានទេ។

សម្រាប់ដំណើរការចោទប្រកាន់ប្រធានាធិបតី ចលនាចោទប្រកាន់ត្រូវតែគាំទ្រដោយពីរភាគបីនៃសភា។ បន្ទាប់មក តុលាការធម្មនុញ្ញរបស់កូរ៉េខាងត្បូងត្រូវតែសម្រេចថាតើត្រូវបញ្ជាក់ការបោះឆ្នោតសភា ៕

ហាមធ្វើការចម្លងអត្ថបទ ដោយមិនមានការអនុញ្ញាត្តិ។

ភ្ជាប់ទំនាក់ទំនងជាមួយយើងឥឡូវនេះ

អត្ថបទប្រហាក់ប្រហែល