COP29 បង្ហាញទីក្រុងដែលបំពុលខ្លាំងបំផុតក្នុងពិភពលោក
.JPG)
ដោយ សូរ្យសែង៖
ខណៈពេលដែលការដោះស្រាយបញ្ហាបរិស្ថានកំពុងទទួលបានការចាប់អារម្មណ៍ ប៉ុន្តែការប្រើប្រាស់ឥន្ធនៈហ្វូស៊ីលដែលផលិតឧស្ម័នផ្ទះកញ្ចក់នៅតែបន្តកើនឡើងនៅក្នុងប្រទេសដ៏គួរឱ្យភ្ញាក់ផ្អើលជុំវិញពិភពលោក។ ថ្មីៗនេះនៅក្នុងកិច្ចប្រជុំ COP29 បញ្ជីនៃទីក្រុងដែលបំពុលខ្លាំងបំផុតត្រូវបានបង្ហាញ ។
របាយការណ៍ពីសន្និសីទស្តីពីការប្រែប្រួលអាកាសធាតុ (COP29) បាននិយាយថា ចាប់ពីឆ្នាំ 2022 ដល់ឆ្នាំ 2023 ប្រទេសចិន ឥណ្ឌា អ៊ីរ៉ង់ ឥណ្ឌូនេស៊ី និងរុស្ស៊ី គឺជាប្រទេសដែលមានការកើនឡើងនៃការបំភាយឧស្ម័នច្រើនបំផុត ស្របពេលប្រទេសវេណេហ្ស៊ុយអេឡា ជប៉ុន អាល្លឺម៉ង់ ចក្រភពអង់គ្លេស និងសហរដ្ឋអាមេរិក មានការថយចុះខ្លាំងបំផុតនៃកម្រិតបំពុល។
ទីក្រុងដែលមានការបំភាយឧស្ម័នខ្ពស់បំផុតនេះ បើយោងតាមទិន្នន័យអង្កេត និងប៉ាន់ស្មានដោយបញ្ញាសិប្បនិម្មិត គឺទីក្រុងសៀងហៃក្នុងប្រទេសចិន ទីក្រុងមួយចំនួនទៀតនៅអាស៊ី និងសហរដ្ឋអាមេរិក ក៏ត្រូវបានគេកំណត់ថាមានការបំភាយឧស្ម័នផ្ទះកញ្ចក់ក្នុងកម្រិតដែលរួមចំណែកដល់ការប្រែប្រួលអាកាសធាតុ។
ទីក្រុងសៀងហៃមានការបំភាយឧស្ម័នផ្ទះកញ្ចក់ចំនួន 256 លានតោន ដែលជាចំនួនខ្ពស់បំផុតក្នុងចំណោមទីក្រុងទាំងអស់ និងខ្ពស់ជាងតួលេខប្រទេសកូឡុំប៊ី ឬន័រវេសរួមបញ្ចូលគ្នា។ ទីក្រុងតូក្យូក្នុងប្រទេសជប៉ុន មានឧស្ម័នផ្ទះកញ្ចក់ចំនួន 250 លានតោន ទីក្រុងញូវយ៉កមានឧស្ម័នផ្ទះកញ្ចក់ចំនួន 160 លានតោន និងទីក្រុងសេអ៊ូល ប្រទេសកូរ៉េខាងត្បូងមាន ឧស្ម័នផ្ទះកញ្ចក់មាន 142 លានតោន។
បញ្ហានេះបានធ្វើឲ្យសកម្មជនបរិស្ថានមិនពេញចិត្ត ។ គេមើលឃើញថា សហគមន៍អន្តរជាតិនៅតែអសមត្ថភាពក្នុងការទប់ស្កាត់ការប្រើប្រាស់ឥន្ធនៈហ្វូស៊ីលដែលបង្កឱ្យមានការឡើងកម្តៅផែនដី រួមទាំងការគ្រប់គ្រងក្រុមហ៊ុន ឬឧស្សាហកម្ម ក្នុងការបញ្ចេញឧស្ម័នផ្ទះកញ្ចក់ផងដែរ ។
.JPG)
លើសពីនេះ ទិន្នន័យក៏បានបង្ហាញផងដែរថា ប្រទេសចិនបានក្លាយជាចំណុចក្តៅនៃឧស្ម័នផ្ទះកញ្ចក់របស់ពិភពលោក។ នៅពេលពិនិត្យមើលបញ្ជីទីក្រុងដែលបញ្ចេញឧស្ម័នផ្ទះកញ្ចក់ច្រើនជាង 1 ពាន់លានតោន គេបានរកឃើញថាមានទីក្រុងចំនួន 7 នៅក្នុងប្រទេសចិន។
សំណុំទិន្នន័យនេះត្រូវបានរៀបចំដោយអ្នកវិទ្យាសាស្ត្រ និងអ្នកវិភាគមកពីជុំវិញពិភពលោក។ នេះត្រូវបានវាយតម្លៃដោយគិតគូរពីការបំពុលបែបប្រពៃណីដូចជាកាបូនម៉ូណូអុកស៊ីត។ សមាសធាតុសរីរាង្គងាយនឹងបង្កជាហេតុ អាម៉ូញាក់ ស្ពាន់ធ័រឌីអុកស៊ីត និងសារធាតុគីមីផ្សេងទៀត។ ទាក់ទងនឹងខ្យល់កខ្វក់ គេបាននិយាយថា «ការដុតឥន្ធនៈហ្វូស៊ីល» បង្កើតការបំពុលទាំងពីរប្រភេទ ដែលត្រូវបានគេចាត់ទុកថាជា «ការគំរាមកំហែងសុខភាពដ៏ធំបំផុតដែលមនុស្សជាតិប្រឈមមុខ» ៕
ព្រភពពី springnews
អត្ថបទប្រហាក់ប្រហែល
ពាណិជ្ជកម្ម
អត្ថបទថ្មីៗ
អត្ថបទពេញនិយម