ការប្រឆាំងពុករលួយរបស់ចិន គឺជាការតស៊ូស្លាប់រស់ ! ចិនប្រហារជីវិត អតីតមន្ត្រីរដ្ឋពុករលួយដែលមានលុយជាង ៣ពាន់លានយាន់
ដោយ សូរ្យសែង
ការប្រឆាំងអំពើពុករលួយរបស់ចិន ជាការធ្វើបដិវត្តន៍ចំពោះខ្លួនឯងយ៉ាងជ្រះស្រឡះបំផុត ត្រូវយកជ័យជម្នះលើយុទ្ធនាការប្រយុទ្ធប្រឆាំងអំពើពុករលួយយ៉ាងមុតមាំ ។ ការប្រយុទ្ធប្រឆាំងនឹងអំពើពុករលួយរបស់ខ្លួន គឺជាការតស៊ូស្លាប់រស់ ។
ចិនប្រហារជីវិតអតីតមន្ត្រីតំបន់ស្វយ័តម៉ុងហ្គោលីខាងក្នុង(Inner Mongolia) ភាគខាងជើងប្រទេសចិន ពីករណីពុករលួយ ដោយមានទ្រព្យសម្បត្តិជាង 3ពាន់លានយន់ ឬជាង 411លានដុល្លារ ។
កាលពីថ្ងៃទី១៧ ខែធ្នូ «លី ជៀនពីង» ត្រូវប្រហារជីវិត បន្ទាប់ពីត្រូវបានរកឃើញថាមានទោសពីបទពុករលួយ ទទួលសំណូក និងកិបកេងប្រាក់រដ្ឋ និងឃុបឃិតជាមួយក្រុមឧក្រិដ្ឋជន ។
លោក លី គឺជាអតីតលេខានៃគណៈកម្មាធិការការងាររបស់បក្សកុម្មុយនិស្តនៃតំបន់អភិវឌ្ឍន៍សេដ្ឋកិច្ច និងបច្ចេកវិទ្យា Hohhot ដែលជាមុខតំណែងរបស់រដ្ឋាភិបាលក្នុងតំបន់ ប៉ុន្តែគាត់មានទ្រព្យសម្បត្តិរាប់ពាន់លានយន់។
លោក លី ត្រូវបានគេរកឃើញថាមានពិរុទ្ធពីបទកេងបន្លំប្រាក់ជាង 1.43 ពាន់លានយាន់ ឬ584ពាន់លានរៀល ពីសហគ្រាសរដ្ឋដោយទទួលយកសំណូកជាអំណោយ និងប្រាក់សរុបជាង 577 លានយាន់ និងបានកិបកេងថវិការដ្ឋច្រើនជាង 1.05 ពាន់លានយាន់ ។
លោក លី ក៏ត្រូវបានរកឃើញថាមានពិរុទ្ធពីការជួយសម្រួលប្រតិបត្តិការខុសច្បាប់ដោយក្រុមឧក្រិដ្ឋជនក្រោមការត្រួតពិនិត្យរបស់លោកផងដែរ ។
លោក លី ត្រូវបានកាត់ទោសឱ្យដកសិទ្ធិនយោបាយអស់មួយជីវិត និងទ្រព្យសម្បត្តិទាំងអស់ត្រូវបានរឹបអូស រួមទាំងការកាត់ទោសប្រហារជីវិតនៅខែកញ្ញា ឆ្នាំ 2022 ប៉ុន្តែលោក លី បានប្តឹងឧទ្ធរណ៍ចំពោះការសម្រេចចិត្តនេះ។
ដូច្នេះតុលាការប្រជាជនកំពូលបានចេញដីកាអនុម័តទោសប្រហារជីវិត និងគ្រប់គ្រងដោយតុលាការប្រជាជនម៉ុងហ្គោលីខាងក្នុង ៕
អត្ថបទប្រហាក់ប្រហែល
ពាណិជ្ជកម្ម
អត្ថបទថ្មីៗ
អត្ថបទពេញនិយម