តើ Agentic AI ជាអ្វី?

Agentic AI គឺជាបច្ចេកវិទ្យាឆ្លាតវៃសិប្បនិម្មិតកម្រិតខ្ពស់ដែលអាចធ្វើការសម្រេចចិត្តដោយខ្លួនឯង និងសម្រេចគោលដៅខ្លួនឯងបាន ដោយមិនកំណត់ចំពោះការធ្វើតាមបញ្ជា ធ្វើការ និងរៀនដោយខ្លួនឯង ស្រដៀង​នឹង​មនុស្ស ។ សូមតាមដាននិន្នាការបច្ចេកវិទ្យា AI ក្នុងឆ្នាំ 2025 Agentic AI នឹងពិតជាអ្វីមួយដែលមនុស្សជាច្រើនចាប់អារម្មណ៍។

Generative AI ត្រូវបានចាត់ទុកថាជាមូលដ្ឋានគ្រឹះដ៏សំខាន់នៃ Agentic AI បច្ចេកវិទ្យាទាំងពីរនេះមានទំនាក់ទំនងគ្នាយ៉ាងជិតស្និទ្ធ ដោយ Agentic AI គឺជាបច្ចេកវិទ្យាបញ្ញាសិប្បនិមិ្មតដែលមានសមត្ថភាពធ្វើការសម្រេចចិត្ត ធ្វើការ និងរៀនដោយខ្លួនវាស្រដៀងនឹងមនុស្ស (agent-like behavior) ដែលអាចធ្វើកិច្ចការស្មុគស្មាញដោយស្វ័យប្រវត្តិ ដូចជា chatbots ដែលអាចសន្ទនាបែបធម្មជាតិជាមួយអតិថិជន។

ក្រុមហ៊ុនភាគច្រើនដែលបង្កើត Agentic AI មានគោលបំណងបង្កើត AI ជាដៃគូឌីជីថល ដែលអាចបំពេញតម្រូវការនៃវិស័យវិជ្ជាជីវៈជាច្រើន ដូចជាសុខភាព ការគ្រប់គ្រងខ្សែសង្វាក់ផ្គត់ផ្គង់ សន្តិសុខតាមអ៊ីនធឺណិត ឬសេវាកម្មអតិថិជន ។

តើ Agentic AI ខុសពី Generative AI យ៉ាងដូចម្តេច?

Agentic AI និង Generative AI គឺជាសាខាពីរផ្សេងគ្នានៃបញ្ញាសិប្បនិម្មិត (AI) វិស័យនីមួយៗមានចំណុចខ្លាំង និងកម្មវិធីរៀងៗខ្លួន។

Generative AI៖ ល្អក្នុងការបង្កើតមាតិកាថ្មីក្នុងទម្រង់ផ្សេងៗ រួមទាំងអត្ថបទ រូបភាព តន្ត្រី និងសូម្បីតែកូដ វាមានជំនាញក្នុងការបំផុសគំនិត បង្កើតរឿងគួរឱ្យចាប់អារម្មណ៍ និងបង្កើតដំណោះស្រាយ (Solution) ប្រកបដោយភាពច្នៃប្រឌិត ។

Agentic AI៖ ផ្តោតលើសកម្មភាព ការផ្លាស់ប្តូរលើសពីការបង្កើតមាតិកាដើម្បីផ្តល់អំណាចដល់ស្វ័យប្រវត្តិកម្មជាមួយនឹងសមត្ថភាពក្នុងការធ្វើការសម្រេចចិត្ត និងធ្វើសកម្មភាពដោយស្វ័យភាព។

ពួកគេត្រូវបានរចនាឡើងដើម្បីធ្វើការដោយឯករាជ្យ សម្របខ្លួនទៅនឹងការផ្លាស់ប្តូរបរិស្ថាន និងរៀនពីបទពិសោធន៍របស់ពួកគេ។

តើអ្វីទៅជានិយមន័យនៃ Agentic AI?

ក្រុមហ៊ុនបច្ចេកវិទ្យាធំៗជាច្រើនបានកំណត់ Agentic AI ដូចខាងក្រោម៖

Nvidia ពិពណ៌នាអំពី Agentic AI ជាបញ្ញាសិប្បនិមិត្តដែលមានសមត្ថភាពក្នុងការ «ការវិភាគស៊ីជម្រៅ និងការធ្វើផែនការ» ដើម្បីដោះស្រាយបញ្ហាស្មុគស្មាញ ដោយប្រើ «យន្តការនៃការសិក្សា និងការសម្រេចចិត្ត» អនុញ្ញាតឱ្យ Agentic AI «ធ្វើការដោយឯករាជ្យ» ។

IBM ពិពណ៌នាអំពី Agentic AI ថាជាបញ្ញាសិប្បនិមិត្ត ដែលមានសមត្ថភាព «ធ្វើសកម្មភាព» ដូចយើងពិតប្រាកដ អាចធ្វើការសម្រេចចិត្ត ធ្វើការ និងដោះស្រាយបញ្ហាស្មុគស្មាញ និងធ្វើអន្តរកម្មប្រកបដោយប្រសិទ្ធភាពជាមួយបរិស្ថានជុំវិញ សូម្បីតែនៅក្នុងស្ថានការណ៍ដែលមិនមាននៅក្នុងទិន្នន័យបណ្តុះបណ្តាលពីមុនក៏ដោយ។

Microsoft ពិពណ៌នាអំពី Agentic AI ជាបញ្ញាសិប្បនិមិត្ត ដែលអាចធ្វើស្វ័យប្រវត្តិកម្មកិច្ចការស្មុគស្មាញបាន ដោយស្វ័យប្រវត្តិ គ្របដណ្តប់ដ៏ធំទូលាយនៃបច្ចេកវិទ្យា ពីប្រព័ន្ធ chatbot មូលដ្ឋាន រហូតដល់ជំនួយការឆ្លាតវៃកម្រិតខ្ពស់ ឬមនុស្សយន្ត។

បច្ចុប្បន្ន ក្រុមហ៊ុនឈានមុខគេផ្តល់ភាពសំខាន់ និងធនធានក្នុងការអភិវឌ្ឍន៍ Agentic AI ដោយ Salesforce តាំងគោលដៅអភិវឌ្ឍ Agentic AI ជាងមួយពាន់លានគ្រឿងសម្រាប់អ្នកប្រើប្រាស់នៅឆ្នាំក្រោយ ខណៈដែល Google និង OpenAI ក៏បានប្រកាសផែនការអភិវឌ្ឍន៍ Agentic AI ផងដែរ ដោយ OpenAI កំពុងរៀបចំដាក់ឱ្យដំណើរការ «ប្រតិបត្តិករ» ដែលមានសមត្ថភាពអនុវត្តការងារផ្សេងៗក្នុងនាមអ្នកប្រើប្រាស់ ដូចជាការសរសេរកូដ ឬកក់សំបុត្រយន្តហោះតាមរយៈកុំព្យូទ័រ ជាដើម ៕

ពី springnews.co.th

ដោយ សូរ្យសែង