• រាជរដ្ឋាភិបាលកម្ពុជាកំណត់គោលនយោបាយឲ្យក្លាយទៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងចំណូលខ្ពស់នៅឆ្នាំ២០៥០
• ប្រទេសម៉ាឡេស៊ី នៅឆ្នាំ ២០២៨ នឹងចូល​ក្នុង​ជួរប្រទេសអភិវឌ្ឍន៍

ប្រទេសអភិវឌ្ឍន៍ ពាក្យនេះមិនមានន័យថា ប្រទេសនោះត្រូវតែមានអគារខ្ពស់ៗ ស្ពាន អគារធំ ឬបច្ចេកវិទ្យាទំនើបនោះទេ ប៉ុន្តែ​និយមន័យ​នៃ​ប្រទេស​អភិវឌ្ឍន៍​គឺ​ជា​សកល ពីធនាគារពិភពលោក ដែលគេវាស់វែងថា ចំណូលជាតិសរុបប្រចាំឆ្នាំ ដែលប្រជាជននៅក្នុងប្រទេស ក្នុងម្នាក់ត្រូវតែមានប្រាក់ចំណូលកម្រិតខ្ពស់ជាង 14,005 ដុល្លារអាមេរិកក្នុងមួយឆ្នាំ ឬប្រហែល 56,503,172 រៀល ។ ចំណែកប្រាក់ចំណូលមធ្យមកម្រិតខ្ពស់ គឺប្រាក់ចំណូលជាតិសរុប ដែលក្នុងមនុស្សម្នាក់អាចស្មើនឹង 4,516 ដុល្លារ ដែលកម្ពុជាសព្វថ្ងៃទើបបានជិត 3,000 ដុល្លារ ដូច្នេះរាជរដ្ឋាភិបាលកម្ពុជា ដាក់គោលដៅនៅឆ្នាំ ២០៣០ ឲ្យក្លាយជាប្រទេសមានចំណូលមធ្យមកម្រិតខ្ពស់ដែលប្រជាជនអាចស្មើនឹង 4,516 ដុល្លារក្នុងមួយឆ្នាំ និង ចំណូលកម្រិតខ្ពស់នៅឆ្នាំ ២០៥០ គឺជាង 14,000 ឡើងទៅ ។

បើតាមធនាគារពិភពលោក និងក្រុមផ្តល់ប្រាក់កម្ចី ការវាស់វែងសេដ្ឋកិច្ចដែលមានចំណូលមធ្យមកម្រិតទាប គឺក្រុមចំណូលរបស់ធនាគារពិភពលោកឆ្នាំ 2023 ។

• ប្រទេសដែលមានចំណូលទាប គឺជាប្រទេសដែលមានប្រាក់ចំណូលជាតិសរុប (GNI) ក្នុងមនុស្សម្នាក់ចំនួន $1,145 ឬតិចជាងនេះក្នុងឆ្នាំ 2023។
• ប្រទេសដែលមានចំណូលមធ្យមកម្រិតទាប គឺជាប្រទេសដែលមាន GNI ក្នុងមនុស្សម្នាក់រវាង $1,146 និង $4,515 ក្នុងឆ្នាំ 2023។
• ប្រទេសដែលមានចំណូលមធ្យមកម្រិតខ្ពស់ គឺជាប្រទេសដែលមាន GNI ក្នុងមនុស្សម្នាក់ចន្លោះពី 4,516 ទៅ 14,005 ដុល្លារក្នុងឆ្នាំ 2023។
• ប្រទេសដែលមានប្រាក់ចំណូលខ្ពស់គឺជាប្រទេសដែលមាន GNI ក្នុងមនុស្សម្នាក់លើសពី $14,005 ក្នុងឆ្នាំ 2023។

បច្ចុប្បន្ននេះ មានប្រទេសអភិវឌ្ឍន៍ចំនួន ៤ នៅអាស៊ី រួមមាន សិង្ហបុរី អ៊ីស្រាអែល ជប៉ុន និងកូរ៉េខាងត្បូង ។ ​បច្ចុប្បន្ន​ប្រជាជន​ម៉ាឡេស៊ី​មាន​ប្រាក់​ចំណូល​ប្រចាំ​ឆ្នាំ 11,212 ដុល្លារ ​ប្រហែល 45,228,834 រៀល ។ អាច​និយាយ​បាន​ថា​ ម៉ាឡេស៊ី​ជិតនឹង​ក្លាយ​ជា​ប្រទេស​អភិវឌ្ឍន៍មានចំណូលខ្ពស់ ​ប្រសិន​បើ​ម៉ាឡេស៊ី​បន្ត​កើន​ឡើង​យ៉ាង​ឆាប់​រហ័ស​នៅ​ឆ្នាំ​២០២៨ ឬ​៤​ឆ្នាំ​ក្រោយ​នេះ ជាប្រទេសទី​២ ​នៅ​អាស៊ាន ​បន្ទាប់​ពី​សិង្ហបុរី ។

សម្រាប់ប្រទេសកម្ពុជា រាជរដ្ឋាភិបាលអាណត្តិទី ៧ របស់សម្តេចធិបតី ហ៊ុន ម៉ាណែត នាយករដ្ឋមន្ត្រី បានដាក់គោលនយោបាយបញ្ចកោណ ដំណាក់កាលទី១ ដែលយើងកំពុងប្រឹងអនុវត្តសព្វថ្ងៃនេះ គឺបានកំណត់គោលដៅវែងឆ្ងាយនិងច្បាស់លាស់ ដើម្បីឲ្យកម្ពុជាមានកំណើនសេដ្ឋកិច្ចដើម្បីឱ្យក្លាយទៅជាប្រទេសមានចំណូលមធ្យមកម្រិតខ្ពស់នៅឆ្នាំ ២០៣០ និងចំណូលខ្ពស់នៅឆ្នាំ២០៥០ ។

សូមបញ្ជាក់ថា ពិភពលោកដែលមានជាង១៩០ ប្រទេស សព្វថ្ងៃបានចែកប្រទេសជាបីក្រុម ៖ ក្រុមទី១ ប្រទេសដែលមានចំណូលទាប, ក្រុមទី២ ជាក្រុមប្រទេសមានចំណូលមធ្យម (ក្នុងចំណូលមធ្យម គេចែកជា ២កម្រិតទៀត) និងក្រុមទី៣ ជាប្រទេសដែលមានចំណូលខ្ពស់ ។

សព្វថ្ងៃ ប្រទេសកម្ពុជា ជាប្រទេសដែលមានចំណូលមធ្យមកម្រិតទាប ដែលគេវាស់ដោយចំណូលជាតិសរុប ប្រជាជនម្នាក់ទទួលបានចំណូលប្រចាំឆ្នាំជិត 3,000 ដុលា្លរ លើប្រទេសអាស៊ានមួយចំនួន។ ដូច្នេះហើយបានជាគោលនយោបាយរបស់រាជរដ្ឋាភិបាលកម្ពុជាយើង បានកំណត់គោលដៅថា នៅឆ្នាំ២០៣០ នឹងឲ្យកម្ពុជាក្លាយជាប្រទេសមានចំណូលមធ្យមកម្រិតខ្ពស់ ហើយគោលដៅចុងក្រោយឆ្នាំ ២០៥០ គឺកម្ពុជាក្លាយជាប្រទេសដែលមានចំណូលកម្រិតខ្ពស់ ដែលប្រាក់ចំណូលជាតិសរុបក្នុងមនុស្សម្នាក់ (GNI) អាចស្មើ ឬលើស 14,០០5 ដុល្លារអាមេរិក ។

ដូច្នេះ សបញ្ជាក់ថា គណបក្សប្រជាជនកម្ពុជា ក៏ដូចរាជរដ្ឋាភិបាលសម្តេចធិបតី ហ៊ុន ម៉ាណែត រាល់ថ្ងៃប្រឹងប្រែងខ្លាំងណាស់ ប្រើគំនិតគិតលម្អិត ធ្វើយ៉ាងម៉េចឲ្យប្រជាពលរដ្ឋខ្មែរមានបាន ឈប់ក្រ មិនមែនធ្វើលំៗ ដូចមនុស្សក្រៅប្រទេសចាំតែព្រូសដាក់ទេ!!!

ដោយ សូរ្យរិទ្ធ