សត្រូវខ្សែលោហិតបងប្អូន សូម្បីអាហាររបស់កូរ៉េខាងត្បូងក៏ហាមបរិភោគ! គីម ជុងអ៊ុន ហាមប្រជាជនកូរ៉េខាងជើងទទួលទាន ហតដក និងអាហារផ្សេងទៀត

ព័ត៌មានសង្គមថ្ងៃអង្គារ៍ ទី07 ខែមករា ឆ្នាំ2025 ម៉ោង 6:22 នាទី ល្ងាច

ដោយ សូរ្យសែង៖

គេហទំព័រ nypost រាយការណ៍ថា ប្រជាជនកូរ៉េខាងជើង ត្រូវបានហាមប្រាមមិនអោយទទួលទាន «ហតដក» ដែលជាផ្នែកមួយនៃការបង្ក្រាបវប្បធម៌លោកខាងលិចដែលបានជ្រៀតចូលប្រទេសជាតិ ។

មេដឹកនាំកំពូលរបស់ប្រទេសកូរ៉េខាងជើង លោក គីម ជុងអ៊ុន បានប្រកាសថា ការទទួលទាន ហតដក គឺជាទង្វើក្បត់ជាតិ ចំពេលមានការកើនឡើងនៃប្រជាប្រិយភាពនៃម្ហូបកូរ៉េខាងត្បូងដែលបំផុសគំនិតដោយសហរដ្ឋអាមេរិក ។

អ្នកណាលក់ ឬបើចាប់បាន នឹងត្រូវកាត់ទោសឱ្យធ្វើពលកម្មដោយបង្ខំនៅក្នុងជំរំប្រមូលផ្តុំ។ ក្រុងព្យុងយ៉ាងក៏បាននិយាយដែរថា ការលែងលះប្តីប្រពន្ធ គឺជាកំហុស ព្រោះត្រូវបានគេចាត់ទុកជាអាកប្បកិរិយាប្រឆាំងរបបសង្គមនិយម។

វាជាផ្នែកមួយនៃកិច្ចខិតខំប្រឹងប្រែងរបស់រដ្ឋាភិបាលក្នុងការផ្តួលរំលំវប្បធម៌នៃមូលធននិយមក្នុងចំណោមប្រជាជន។ រដ្ឋាភិបាលបានហាមប្រាមការលក់អាហារច្រើនប្រភេទផ្សេងទៀត ប៉ុន្តែអាហារដែលសំខាន់បំផុតគឺ ហតដក, budae-jigae និង teokbokki ព្រោះវាជាអាហារពេញនិយមដែលទទួលឥទ្ធិពលពីប្រទេសកូរ៉េខាងត្បូងដែលជាប្រទេសជិតខាងលោកខាងលិច។

ដោយ Budae-jigae ត្រូវបានគេស្គាល់ថាជា «សម្លរបស់កងទ័ព» ជាម្ហូបផ្សំពីប្រទេសកូរ៉េខាងត្បូង និងសហរដ្ឋអាមេរិក ដែលប្រើសាច់ក្រក ឬ Ham ជាគ្រឿងផ្សំ ដូចគ្នាដែរ អាហារ teokbokki ដែលជាអាហារដ៏ល្បីរបស់កូរ៉េខាងត្បូងមួយទៀត ក៏ត្រូវបានហាមឃាត់ផងដែរ។

មានសេចក្តីរាយការណ៍កាលពីខែវិច្ឆិកាថា ខេត្ត Ryangang ភាគខាងជើង បានឈប់លក់ ហតដក និង budae-jigae នៅលើទីផ្សារហើយ ។

មានរបាយការណ៍ផងដែរថា នៅក្នុងខែធ្នូដែលពលរដ្ឋបានអះអាងថា ការលែងលះគ្នានៅក្នុងប្រទេសកូរ៉េខាងជើង តម្រូវឱ្យមានទោសពី ១-៦ខែនៅក្នុងជំរុំការងារជា «ឧក្រិដ្ឋជន» ។

ស្ត្រីពោះម៉ាយម្នាក់ដែលអះអាងថា ស្ត្រីទទួលទោសធ្ងន់ជាងបុរស។ កន្លងមក«បុរសនិងស្ត្រីប្រហែល៣០នាក់ត្រូវបានចាប់ដាក់គុកពីបទលែងលះ ហើយការដាក់ទោសស្ត្រីគឺយូរជាងបុរសទៅទៀត » ។

បើផ្តាច់ការម្លឹងៗ ក្រុមសិទ្ធិមនុស្សមានទៅដាក់ទណ្ឌកម្មកូរ៉េខាងជើងបានទេ ហ៊ានចូលហ្អី ! បើចូលរត់មិនទាន់ឥឡូវ៕

ហាមធ្វើការចម្លងអត្ថបទ ដោយមិនមានការអនុញ្ញាត្តិ។

ភ្ជាប់ទំនាក់ទំនងជាមួយយើងឥឡូវនេះ

អត្ថបទប្រហាក់ប្រហែល