ទីតាំងពិធីស្បថចូលកាន់តំណែង ត្រាំ ដែលអញ្ជើញភ្ញៀវចូលរួម ២៥ ម៉ឺននាក់! សន្តិសុខត្រូវបានរឹតបន្តឹង
ដោយ សូរ្យសែង៖
ទីភ្នាក់ងារត្រួតពិនិត្យសន្តិសុខរបស់សហរដ្ឋអាមេរិក បានប្រកាសត្រៀមខ្លួនការពារសន្តិសុខ សម្រាប់ពិធីចូលកាន់តំណែងប្រធានាធិបតី ដូណាល់ ត្រាំ នឹងត្រូវធ្វើនៅថ្ងៃទី ២០ ខែមករា ដែលត្រូវបានគេរំពឹងថា នឹងអញ្ជើញអ្នកចូលរួម រួមទាំងលិខិតអញ្ជើញមានប្រមាណ ២៥ ម៉ឺននាក់។
លោក Dave Sundberg ជំនួយការនាយកទទួលបន្ទុកការិយាល័យ FBI វ៉ាស៊ីនតោន ឌីស៊ី បាននិយាយថា ខ្លួនមិនបានរកឃើញការគំរាមកំហែងជាក់លាក់ណាមួយមកទល់ពេលនេះទេ ដែលពិធីស្បថចូលកាន់តំណែងធ្វើឡើងនៅអគាររដ្ឋសភា។
ជាមួយគ្នានេះ លោក Matt McCool នៃការិយាល័យស៊ើបការណ៍សម្ងាត់អាមេរិក បាននិយាយថា រដ្ឋបាលអាកាសចរណ៍សហព័ន្ធអាមេរិក នឹងប្រកាសពីការរឹតបន្តឹងការហោះហើរបណ្តោះអាសន្ននៅក្នុង និងជុំវិញទីក្រុងវ៉ាស៊ីនតោន ឌីស៊ី ខណៈដែលផែនការសន្តិសុខដ៏ទូលំទូលាយរបស់សេវាសម្ងាត់នឹងបន្តប្រើប្រាស់យន្តហោះគ្មានមនុស្សបើកជាផ្នែកនៃវិធានការការពាររបស់ខ្លួន ហើយយើងសូមឲ្យប្រជាជនកុំមានការភ្ញាក់ផ្អើល ប្រសិនបើពួកគេឃើញយន្តហោះគ្មានមនុស្សបើកទាំងនេះក្នុងពេលពិធីសម្ពោធ ឬក្នុងអំឡុងពេលហ្វឹកហាត់ដែលនឹងប្រព្រឹត្តទៅនៅប៉ុន្មានថ្ងៃខាងមុខ ៕
អត្ថបទប្រហាក់ប្រហែល
ពាណិជ្ជកម្ម
អត្ថបទថ្មីៗ
អត្ថបទពេញនិយម