លោក ម៉ៃ ទៀន ឌុង (Mai Tien Dung)  អតីតអ្នកនាំពាក្យគណៈរដ្ឋមន្ត្រីវៀតណាម

ទីភ្នាក់ងារសារព័ត៌មាន AFP ស្រង់ពី VnExpress កាសែតរដ្ឋវៀតណាម ផ្សាយនៅថ្ងៃទី ២០ មករាថា តុលាការ​វៀតណាម​បាន​កាត់ទោស​អតីត​អ្នក​នាំពាក្យ​រដ្ឋាភិបាល​ លោក ម៉ៃ ទៀន ឌុង (Mai Tien Dung) ដោយ​ព្យួរទោស​ដាក់​ពន្ធនាគារ​ក្រោម​បទ​ចោទ​សូកប៉ាន់។ ​បើ​តាម​របាយការណ៍​របស់​ប្រព័ន្ធ​ផ្សព្វផ្សាយ​រដ្ឋ ការ​ចោទ​ប្រកាន់​​នាំ​ឱ្យ​មន្ត្រី​ជាន់​ខ្ពស់​រាប់​សិប​នាក់​ត្រូវ​ជាប់​គុក ។

លោក ឌុង ត្រូវបានរកឃើញថាមានពិរុទ្ធពីបទរំលោភអំណាច និងការសូកប៉ាន់ ពាក់ព័ន្ធនឹងគម្រោងរមណីយដ្ឋានធម្មជាតិ និងទីក្រុង ចំនួន 1 ពាន់លានដុល្លារ។

មន្ត្រីរដ្ឋាភិបាលចំនួន ៨នាក់ផ្សេងទៀត ត្រូវបានកាត់ទោសឱ្យជាប់ពន្ធនាគារចាប់ពី 2 ឆ្នាំ ព្យួររហូតដល់ 6 ឆ្នាំកន្លះពីបទចោទប្រកាន់ស្រដៀងគ្នាទាក់ទងនឹងការរំលោភសិទ្ធិដីធ្លីនៅក្នុងគម្រោងអចលនទ្រព្យនៅក្នុងខេត្តឡាំដុង (Lam Dong) ។

អ្នកជំនួញ ង្វៀន កៅជី (Nguyen Cao Chi) ត្រូវបានកាត់ទោសឱ្យជាប់ពន្ធនាគាររយៈពេល 3 ឆ្នាំពីបទសូកប៉ាន់មន្ត្រីចំនួនជាង 7 ពាន់លានដុង (275,000 ដុល្លារ) ក្នុងការិយាល័យសវនកម្មរដ្ឋ និងមន្ត្រីជាន់ខ្ពស់របស់ខេត្តឡាំដុង ។

លោក ង្វៀន កាវជី អ្នកធុរកិច្ចជាប់ពីបទសូកអាជ្ញធរ ៧ ពាន់លានដុង

ប្រព័ន្ធផ្សព្វផ្សាយរដ្ឋបានរាយការណ៍ថា រដ្ឋាភិបាលមិនអាចទាមទារយកមកវិញនូវផ្ទៃដីចំនួន ៣.៦០០ ហិកតា ដែលបណ្តាលឱ្យមានការខ្ជះខ្ជាយដី និងការកាប់បំផ្លាញព្រៃឈើខុសច្បាប់ចំនួន ២៤ ករណី។

ក្នុងអំឡុងពេលសវនាការរយៈពេលបួនថ្ងៃ លោក ឌុង ដែលជាអ្នកនាំពាក្យរដ្ឋាភិបាលពីឆ្នាំ 2016 ដល់ឆ្នាំ 2021 ហើយត្រូវបានចោទប្រកាន់ពីបទទទួលសំណូកចំនួន 200 លានដុង បានសារភាពថាទង្វើរបស់គាត់គឺខុស ។

ក្នុងឆ្នាំ 2024 ប៉ូលីសវៀតណាមបានដោះស្រាយករណីពុករលួយចំនួន 825 ដែលពាក់ព័ន្ធនឹងជនសង្ស័យចំនួន 1,676 នាក់ ដែលកើនឡើងជាង 16% បើធៀបនឹងឆ្នាំ 2023 នេះបើយោងតាមក្រសួងសន្តិសុខសាធារណៈវៀតណាម ៕