Bong SoRith

នៅ​ឆ្នាំ​នេះ ប្រទេស​ចិន​នឹង​មាន​អ្នកដឹកនាំ​ជាន់​ខ្ពស់ ​១​នាក់​ក្នុង​ចំណោម​ ៥​នាក់​ដែល​ចូល​និវត្តន៍​។ លោក ហ្ស៊ី ជិនពីង ទើបតែងតាំងអភិបាលខេត្តជំនាន់ថ្មី ក្មេងជាងគេក្នុងប្រវត្តិសាស្ត្រ។

សារព័ត៌មាន Bloomberg បានរាយការណ៍ថា «រដ្ឋាភិបាលចិន» ក្រោមការដឹកនាំរបស់ប្រធានាធិបតី ហ្ស៊ី ជិនពីង កំពុងរៀបចំសម្រាប់ការផ្លាស់ប្តូរធំៗនៅកម្រិតថ្នាក់ដឹកនាំ អាចប្រហែល 20% នៃមេដឹកនាំក្នុងស្រុកជិតចូលនិវត្តន៍នៅឆ្នាំ 2025 នេះ ដែលអាចត្រួសត្រាយផ្លូវសម្រាប់អ្នកដឹកនាំជំនាន់ថ្មីក្នុងវ័យ 50 ឆ្នាំរបស់ពួកគេមកធ្វើការ។

លោក ហ្ស៊ី ជីនពីង បច្ចុប្បន្នអាយុ 71 ឆ្នាំ គឺជាអាយុដែលគាត់អាចពិចារណាផ្តល់អំណាចដល់អ្នកតំណាង ឬអាចសម្រេចចិត្តចុះចេញពីតំណែង ។ របាយ​ការណ៍​របស់​សមាគម​អាស៊ី​បាន​បញ្ជាក់​ថា ការ​ផ្លាស់​ប្តូរ​នេះ​នឹង​បើក​ឱកាស​ដល់​មន្ត្រី ឬអ្នកដឹកនាំជំនាន់ថ្មីដែលកើតក្នុងទសវត្សរ៍ទី 70 ឡើងកាន់តំណែងកម្រិតខ្ពស់ក្នុងរដ្ឋាភិបាល ។

មនុស្សដែលកើតក្នុងទសវត្សរ៍ទី 70 ឬអ្នកដែលមានអាយុ«ត្រាទុក 5» ដំបូងរបស់ពួកគេ ឥឡូវនេះត្រូវបានគេចាត់ទុកថាជា «អ្នកដឹកនាំជំនាន់ថ្មី» របស់ប្រទេសចិន ពីព្រោះការក្លាយជាមន្ត្រីជាន់ខ្ពស់ត្រូវការពេលវេលាយូរ។

មេដឹកនាំវ័យក្មេងបំផុតនៅក្នុងប្រទេសចិន

លោក លីវ ជា គឺជាឧទាហរណ៍នៃអ្នកដឹកនាំជំនាន់ថ្មី ដែលមានអាយុ 55 ឆ្នាំ ទើបត្រូវបានតែងតាំងក្នុងខែនេះ ជាមេដឹកនាំក្មេងជាងគេក្នុងប្រវត្តិសាស្ត្រចិន ។ គាត់បានទទួលតំណែងជាអភិបាលខេត្តជើជៀង ​ដែលជា​មជ្ឈមណ្ឌល​បច្ចេកវិជ្ជា​ដ៏​សម្បូរ​បែប ហើយ​មាន​អភិបាល​ក្រុង​ពីរ​នាក់​ផ្សេង​ទៀត​ក្នុង​វ័យ 50 ឆ្នាំ​ដែល​មាន​កម្រិត​ថ្នាក់​ដឹកនាំ​ដូចគ្នា ឆ្លុះបញ្ចាំងពីការផ្លាស់ប្តូរទៅកាន់អ្នកដឹកនាំជំនាន់ថ្មីដែលកំពុងកើតឡើងនៅក្នុងប្រទេសចិន។

លោក លីវ បានចាប់ផ្តើមអាជីពរបស់គាត់នៅក្រុមហ៊ុនដែកថែបរបស់រដ្ឋក្នុងខេត្តហ៊ូណាន ដែលមានទីតាំងនៅកណ្តាលប្រទេសចិន។ ចំណុចរបត់ដ៏សំខាន់នៅក្នុងជីវិតអាជីពរបស់គាត់បានកើតឡើងនាឆ្នាំ 2021 នៅពេលដែលគាត់ត្រូវបានតែងតាំងជាប្រធានបក្សកុម្មុយនិស្តហាងចូវ ជំនួសលោកចូវ ជៀងយុង ដែលត្រូវបានចាប់ខ្លួនពីបទប្រព្រឹត្តអំពើពុករលួយចំនួន 25 លានដុល្លារ ក្នុងអំឡុងពេលលោក ហ្ស៊ី ជិនពីង កំពុង «វាយខ្លា ទះរុយ» ជាមួយនឹងគោលនយោបាយបង្ក្រាបអំពើពុករលួយ។

ការដែលលោក លីវ ទទួលបានការបោះឆ្នោតជាអភិបាលខេត្តជើជៀង ដែលជាធម្មតាត្រូវបានចាត់ទុកថាជាចំណុចចាប់ផ្តើមសម្រាប់ការឡើងកាន់តំណែងជាន់ខ្ពស់ ធ្វើឲ្យលោក លីវ ក្នុងចំណោមមនុស្សជំនាន់ក្រោយទសវត្សរ៍ឆ្នាំ 1970 ដែលបច្ចុប្បន្នមានមន្ត្រីជាន់ខ្ពស់ចំនួន 12 នាក់ដែលកើតក្រោយឆ្នាំ 1970 កាន់តំណែងជាន់ខ្ពស់នៅក្នុងខេត្តនីមួយៗ ទោះបីមិនទាន់ដល់ថ្នាក់រដ្ឋមន្ត្រីក៏ដោយ។

ភាពមិនច្បាស់លាស់នៃអនាគតមេដឹកនាំចិន

ទោះបីជាយ៉ាងណាក៏ដោយ ក្រោមការដឹកនាំរបស់លោក ហ្ស៊ី ជិនពីង វាកាន់តែពិបាកទស្សន៍ទាយអំពីអនាគតរបស់មេដឹកនាំដែលមានឱកាសបានឡើង ដោយសារ​ភាព​មិន​ច្បាស់លាស់​ខាង​នយោបាយ ​ពី​ករណី​«​ហ៊ូ ជុន​ហួ​» ដែល​ធ្លាប់​ត្រូវ​បាន​គេ​មើល​ឃើញ​ថា​ជា​បេក្ខភាព​ស្នង​តំណែង​សំខាន់ ក៏បានបាត់ស្រមោលពីនយោបាយ ជាមួយនឹងមនុស្សសំខាន់ជាច្រើនទៀត។

លោក នែល ថូម៉ាស (Neil Thomas) អ្នកស្រាវជ្រាវនយោបាយចិននៅមជ្ឈមណ្ឌលវិភាគចិន វិទ្យាស្ថានគោលនយោបាយសង្គមអាស៊ី បានអត្ថាធិប្បាយថា ប្រធានាធិបតី ហ្ស៊ី ជិនពីង កាន់តំណែងយូរជាងនេះ ទំនងជាអ្នកស្នងតំណែងរបស់គាត់ ជាអ្នកដែលកើតក្រោយទសវត្សរ៍ឆ្នាំ 1970 ។

ប៉ុន្តែ​មក​ដល់​ចំណុច​នោះ លោក ហ្ស៊ី អាច​នឹង​បំបែក​បទដ្ឋាន​ដោយ​រក្សា​សម្ព័ន្ធមិត្ត​ជិតស្និទ្ធ​បំផុត​របស់​លោក​ឲ្យ​កាន់​អំណាច​លើស​ពី​អាយុ​ចូល​និវត្តន៍​តាម​ប្រពៃណី​របស់​ពួកគេ ដែល​នឹង​ឈាន​ដល់​យុគសម័យ​នយោបាយ​ថ្មី​មួយ​ដែល​មនុស្ស​ចាស់​គ្រប់​គ្រង​ក្នុង​ទីក្រុង​ប៉េកាំង។

កន្លងមក លោក ហ្ស៊ី ជីនពីង បានបំពានលើបទដ្ឋាន នៃបក្សកុម្មុយនិស្តចិនដែលកាន់អំណាចជាង 25 ឆ្នាំ ចាប់តាំងពីសម័យ «ម៉ៅ សេទុង» ដោយមិនជ្រើសរើសអ្នកស្នង ផ្តល់ឱកាសឱ្យគាត់បន្តកាន់អំណាចពេញមួយជីវិត និងមិនបញ្ជូនសញ្ញាអ្វីថាគាត់នឹងចុះចេញពីតំណែងបន្ទាប់ពីអាណត្តិរបស់គាត់ផុតកំណត់នៅឆ្នាំ 2027 បន្ទាប់ពីផ្ដួលរំលំគូប្រជែងទាំងអស់។ នេះ​បាន​បង្កើត​ភាព​មិន​ច្បាស់លាស់​អំពី​អនាគត​នៃ​ប្រព័ន្ធ​នយោបាយ​ចិន។

លទ្ធភាពមួយទៀតគឺ ប្រធានាធិបតី ហ្ស៊ី ប្រហែលជាចង់លុបចោលការរឹតបន្តឹងអាយុទាំងអស់ ដើម្បីឲ្យអ្នក​ដែល​ត្រូវ​បាន​តែងតាំង​ដោយ​លោក ហ្ស៊ី អាច​បន្ត​កាន់​អំណាច​បាន ។ លោក អាល់ហ្វ្រេដ វូ (Alfred Wu) អ្នក​សិក្សា​នៅ​សកលវិទ្យាល័យ​ជាតិ​សិង្ហបុរី​គិតថា វិធីនេះ​នឹង​លុប​បំបាត់​តារា​នយោបាយ​ដែល​អាច​នឹង​ប្រជែង​អំណាច​របស់​គាត់​ផង​ដែរ ។

«បន្ទាប់ពី ហ្ស៊ី បានលុបចោលការកំណត់អាណត្តិរួចហើយ ទំនង​ជា​គាត់​មិន​ចង់​និយាយ​អំពី​អ្នក​ស្នង​តំណែង​របស់​គាត់​ទេ» លោក វូ និយាយ ៕