តើប្រទេសថៃនិយាយអ្វីខ្លះ ពីស៊ីហ្គេមលើកទី ៣៣ ?

កីឡាថ្ងៃអាទិត្យ ទី02 ខែកុម្ភៈ ឆ្នាំ2025 ម៉ោង 6:23 នាទី ល្ងាច

ដោយ សូរ្យរិទ្ធៈ

មានការរំជើបរំជួលដល់រដ្ឋាភិបាលដែលដឹកនាំដោយនាយករដ្ឋមន្ត្រី លោកស្រី ផែថងថាន ឈិនវ៉ាត់ ដែលបាននិយាយដល់ព្រឹត្តិការណ៍កីឡាស៊ីហ្គេមលើកទី៣៣ ថាជាព្រឹត្តិការណ៍ដ៏សំខាន់ប្រវត្តិសាស្ត្រប្រចាំឆ្នាំ២០២៥ របស់ប្រទេសថៃ នឹងចាប់ផ្តើមពីថ្ងៃទី៩-២០ ខែធ្នូ ឆ្នាំ ២០២៥ នេះ។

កិច្ចប្រជុំចុងក្រោយរបស់គណៈកម្មាធិការរៀបចំការប្រកួតកីឡាស៊ីហ្គេម ដែលមានលោក ស៊ូរ៉ាភុង ធៀនថង រដ្ឋមន្ត្រីក្រសួងទេសចរណ៍ និងកីឡា ដឹកនាំកិច្ចប្រជុំ បានយល់ព្រមលើការកែលម្អឡូហ្គោ (Logo) និង Mascot ថ្មី រួមជាមួយនឹងការបន្ថែមមេដាយមាសចំនួន ៥ បន្ថែមទៀត ធ្វើឲ្យចំនួនការប្រកួតកើនឡើងពី ៥៦៩ ដល់ ៥៧៤។ យ៉ាងណាក៏ដោយ បើទោះជាថៃធ្វើជាម្ចាស់ផ្ទះស៊ីហ្គេម ក៏មានបញ្ហាមួយចំនួនបានកើតឡើង ដែលទាក់ទងនឹងថវិកាសម្រាប់ការមើលថែកីឡាករ ។

លោក ឆៃយ៉ាផាក់ ស៊ីរីវ៉ាត់ អនុប្រធានគណៈកម្មាធិការជាតិអូឡាំពិកថៃ និងជានាយកប្រតិបត្តិនៃសហព័ន្ធកីឡាស៊ីហ្គេម បាននិយាយថា អត្តពលិកថៃបានហ្វឹកហាត់សម្រាប់ស៊ីហ្គេមតាំងពីខែធ្នូ ឆ្នាំ២០២៤ យើងសូមឱ្យរដ្ឋាភិបាលជួយយកថវិកាសម្រាប់ថែទាំកីឡាករផង ព្រោះយើងឃើញថា មូលនិធិអភិវឌ្ឍន៍កីឡាជាតិកំពុងមានបញ្ហា ។

មនុស្សគ្រប់គ្នាកំពុងហ្វឹកហាត់យ៉ាងឧស្សាហ៍ព្យាយាម ព្រោះគេកំពុងរង់ចាំការប្រកួតនេះ និងគ្រប់ប្រទេស មិនមែនតែកីឡាករថៃទេ ពួកគេក៏កំពុងត្រៀមខ្លួនដើម្បីប្រជែងយកមេដាយនៅប្រទេសយើងដូចប្រទេសដទៃដែរ ។

លោក ផាក និយាយថា យើងសង្ឃឹមថា នឹងក្លាយជាម្ចាស់មេដាយផងដែរ ហើយសមាគមកីឡាទាំង ៥០ របស់ថៃមានបំណងហ្វឹកហាត់ និងអនុវត្តឲ្យបានល្អបំផុត ដូច្នេះវាជាការទទួលខុសត្រូវរបស់រដ្ឋាភិបាល ដើម្បីជួយសម្រួលពេញលេញដល់សមាគមកីឡាទាក់ទងនឹងថវិកាសម្រាប់ជំរុំហ្វឹកហាត់ ជាពិសេស។

ស៊ីហ្គេមលើកទី៣៣ គឺជាលើកទី៧ ហើយ ដែលប្រទេសថៃធ្វើម្ចាស់ផ្ទះ ។ ស៊ីហ្គេមលើកនេះ មានប្រទេសចំនួន១១ ចូលរួមប្រកួតគឺ ប្រ៊ុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ ទីម័រខាងកើត វៀតណាម ។

ការប្រកួតកីឡាស៊ីហ្គេមលើកទី៣២ ធ្វើនៅរាជធានីភ្នំពេញ ព្រះរាជាណាចក្រកម្ពុជា នៅឆ្នាំ២០២៣ ក្រុមជម្រើសជាតិថៃ បានបញ្ចប់ក្នុងចំណាត់ថ្នាក់លេខ២ ដោយដណ្តើមបានមេដាយមាស១០៨ មេដាយប្រាក់៩៦ និងសំរឹទ្ធ១០៨ រីឯវៀតណាមដណ្តើមបានមេដាយមាសចំនួន១៣៦ មេដាយប្រាក់១០៥ និងសំរឹទ្ធ១១៤ និងកម្ពុជាជាម្ចាស់ផ្ទះទទទួលបានលេខ ៤ មេដាយមាស ៨១ ប្រាក់ ៧៤ សំរឹទ្ធិ ១២៧ សរុប ២៨២ មេដាយ ហើយនៅឆ្នាំនេះកម្ពុជា មាន ៣៩ប្រភេទកីឡា ដែលត្រូវត្រៀមលក្ខណៈសម្បត្តិចូលរួមប្រកួត ៕