តុលាការថៃចេញដីកាចាប់តំណាងរាស្រ្ត រំ.លោ.ភនារីទេសចរណ៍តៃវ៉ាន់
កាសែត DailyNews របស់ថៃ បានចេញផ្សាយនៅថ្ងៃនេះ (៧ កុម្ភៈ) ថា តុលាការខេត្តឈៀងម៉ៃ ចេញដីកាចាប់ខ្លួន «សមាជិកសភា» ម្នាក់ឈ្មោះ ឆៃយ៉ាមផាវ៉ាន ម៉ាន់ភាចិត្ត ឬ ប៉ូអាត់ មកពីគណបក្សឈានមុខល្បីមួយ ដែលបានរំលោភនារីទេសចរតៃវ៉ាន់ម្នាក់ បន្ទាប់ពីស្ម័គ្រចិត្តនាំទៅបន្ទប់សម្រាក ។
អ្នកសារព័ត៌មានបានរាយការណ៍ថា ប៉ូលីសខេត្តឈៀងម៉ៃ បានស្នើទៅតុលាការដើម្បីអនុម័តដីកាចាប់ខ្លួនលេខ 262/2568 «សមាជិកសភា» នៃគណបក្សនយោបាយដ៏ល្បីល្បាញមួយនៅទីក្រុងបាងកក ដោយចោទប្រកាន់ពីបទ«រំលោភបំពានផ្លូវភេទ» ។ បន្ទាប់មកប៉ូលីសបានបញ្ជូនទៅការិយាល័យប៉ូលីសថៃ ដាក់ជូនប្រធានរដ្ឋសភា ។
សម្រាប់រឿងនេះ កាលពីព្រឹកថ្ងៃទី៩ ខែមករា ឆ្នាំ២០២៥ មាននារីទេសចរជនជាតិតៃវ៉ាន់អាយុ ២៥ឆ្នាំម្នាក់បានមកប្តឹងមន្ត្រីស៊ើបអង្កេតនៅស្ថានីយ៍ប៉ូលីសឈៀងម៉ៃ ដោយនិយាយថា នាងត្រូវបានរំលោភដោយ «សមាជិកសភា» ដ៏ល្បីម្នាក់ បន្ទាប់ពីបានទៅផឹកស៊ី និងញ៉ាំអាហារនៅភោជនីយដ្ឋានមួយ នៅស្រុកមឿង ខេត្តឈៀងម៉ៃ រហូតស្រវឹងជោកជាំ ។ ក្រោយមកនាងបានស្ម័គ្រចិត្តដឹកទៅដល់បន្ទប់ តែត្រូវគាត់ប្រើកម្លាំងចាប់រំលោភរហូតបានសម្រេច ។
លោកស្នងការរងនគរបាលខេត្តឈៀងម៉ៃ បានបង្ហើបថា ករណីនេះស្ថានទូតតៃវ៉ាន់ប្រចាំប្រទេសថៃ បានតាមដានរឿងនេះ ។ រីឯសមត្ថកិច្ចបានចាត់ការ និងបានប្រមូលវត្ថុតាងទាំងអស់ ប៉ុន្តែជនជាប់ចោទជាអ្នកតំណាងរាស្ត្រ គេចាត់ការទៅតាមច្បាប់ ខាងខេត្តផ្ញើលិខិតទៅតំបន់ រួចបញ្ជូនទៅកាន់នគរបាលភូមិន្ទថៃតាមនីតិវិធី ៕
អត្ថបទប្រហាក់ប្រហែល
ពាណិជ្ជកម្ម
អត្ថបទថ្មីៗ
អត្ថបទពេញនិយម