គ្រាប់បែកផ្ទុះ មុនលោក ថាក់ស៊ីន ទៅទស្សនកិច្ចនៅខេត្តណារ៉ាធីវ៉ាត់
ដោយ សូរ្យសែង៖
(springnews 23-2-2025)
មានកើតហេតុផ្ទុះគ្រាប់បែកមួយ នៅតំបន់អាកាសយានដ្ឋានណារ៉ាធីវ៉ាត់ ភាគខាងត្បូងប្រទេសថៃ មុនលោក ថាក់ស៊ីន ឈិនវ៉ាត់ អតីតនាយករដ្ឋមន្ត្រី ធ្វើដំណើរទៅតំបន់នោះ។
ថ្ងៃនេះ (២៣ កុម្ភៈ ២០១៥) វេលាម៉ោង ៨.៣០នាទីព្រឹក មន្ត្រីនគរបាលណារ៉ាធីវ៉ាត់ បានទទួលការជូនដំណឹងអំពីការផ្ទុះគ្រាប់បែក នៅតំបន់ក្នុងអាកាសយានដ្ឋានណារ៉ាធីវ៉ាត់ ក្នុងស្រុកណារ៉ាធីវ៉ាត់ ខេត្តណារ៉ាធិវ៉ាត់ តែគ្មាននរណាម្នាក់រងរបួសទេ។
តាមរបាយការណ៍ដំបូងឲ្យដឹងថា គេបានរកឃើញថា មានរថយន្តភីកអាប់ D-Max ពណ៌ទឹកប្រាក់មួយគ្រឿង ជារបស់អ្នកពន្លត់អគ្គិភ័យនៅអាកាសយានដ្ឋានអន្តរជាតិណារ៉ាធិវ៉ាត់ ។ បច្ចុប្បន្នសមត្ថកិច្ចកំពុងបិទកន្លែងកើតហេតុ ដើម្បីរក្សាសុវត្ថិភាព មុននឹងនាំមន្ត្រីនិងអង្គភាពពាក់ព័ន្ធមកត្រួតពិនិត្យ ។
មន្ត្រីពាក់ព័ន្ធជឿថា ក្រុមបះបោរក្នុងមូលដ្ឋានភាគខាងត្បូងបានបង្កើតស្ថានការណ៍ដើម្បីស្វាគមន៍អតីតនាយករដ្ឋមន្ត្រី ថាក់ស៊ីន ៕
អត្ថបទប្រហាក់ប្រហែល
ពាណិជ្ជកម្ម
អត្ថបទថ្មីៗ
អត្ថបទពេញនិយម