ដោយ សូរ្យរិទ្ធ

ប្រទេសសិង្ហបុរី​មានតម្លៃ​អគ្គិសនី​ថ្លៃ​បំផុត​នៅ​ក្នុងបណ្តាប្រទេសអាស៊ាន ទោះបីជាតម្លៃថាមពលពិភពលោកបានធ្លាក់ចុះក៏ដោយ ប៉ុន្តែ​​នៅ​តែ​ឡើង​ដល់ 0.49SGD(ដុល្លារសិង្ហបុរី) ឬ 1,400រៀល ​ក្នុង​មួយ Kw/h ដែល​ធ្វើ​ឱ្យ​ក្នុងមួយ​គ្រួសារ​ជា​មធ្យម​ចំណាយប្រមាណ 118 SGD ឬ 355,509រៀល ​ក្នុង​មួយ​ខែ ។

គ្រួសារប្រហែល 1.3 លានគ្រួសារក្នុងប្រទេសសិង្ហបុរីនឹងទទួលបាន «ប័ណ្ណអេឡិចត្រូនិក» ឬ CDC Vouchers ដែលមានតម្លៃ 800SGD ដើម្បីប្រើប្រាស់ទូទាត់វិក្កយបត្រជាមូលដ្ឋាន ដូចជា ទឹក ភ្លើង ផ្ទះ អាហារ ជាដើម សម្រាប់គ្រប់គ្រួសារតាំងពីទារកកំណើត ដល់មនុស្សចាស់ ។

កាសែត Strait Times របស់សិង្ហបុរី បាន​រាយការណ៍​ថា ប្រាក់​​ 10,000 SGD នេះ​ វានឹងបន្ធូរបន្ថយបន្ទុកលើគ្រួសារសិង្ហបុរីដែលមានចំណូលទាបចំនួន 950,000 គ្រួសារដែលរស់នៅក្នុង «លំនៅឋានសាធារណៈ(Public Housing) » ដែលជាផ្ទះ ឬលំនៅឋានដែលរដ្ឋាភិបាលឧបត្ថម្ភធនសម្រាប់អ្នកដែលមានចំណូលទាបក្នុងការរស់នៅក្នុងតម្លៃសមរម្យ។

សិង្ហបុរីមិនមានធនធានធម្មជាតិសម្រាប់ថាមពលទេ ត្រូវពឹងផ្អែកខ្លាំងលើការនាំចូល ដោយបច្ចុប្បន្ន 80% នៃអគ្គិសនីរបស់ខ្លួនបានមកពីឧស្ម័នធម្មជាតិ 18% ពីប្រេង និង 2% ពីឡដុតសំរាម។ តម្លៃអគ្គិសនីរបស់សិង្ហបុរី ថ្លៃ ដោយគ្រង​ចំណាត់​ថ្នាក់​លេខ​១ ថ្លៃជាងគេ​ជា​ច្រើន​ឆ្នាំ​ជាប់​គ្នា។

ថ្លៃអគ្គិសនីនៅកម្ពុជា ថោកជាងសិង្ហបុរី 2-3 ដង

នៅប្រទេសកម្ពុជា តម្លៃអគ្គិសនីចាត់ទុកថា ថោក គឺអ្នកប្រើពី ១ ដល់ ១០ Kwh ក្នុងមួយខែ (នៅរាជធានី) ថ្លៃ ៦១០ រៀល, គឺអ្នកប្រើពី ១ ដល់ ១០ Kwh ក្នុងមួយខែ (នៅខេត្ត) ថ្លៃ ៤៨០រៀល, អ្នកប្រើពី ១១ ដល់ ៥០ Kwh (ទាំងរាជធានី និងខេត្ត) ថ្លៃ ៦១០ រៀល, អ្នកប្រើពី ៥១ ដល់ ២០០ Kwh (រាជធានី) ថ្លៃ ៧២០ រៀល ចំណែកនៅខេត្ត ថ្លៃ ៧៧០ រៀល... ។

យោងតាមទិន្នន័យពីសហព័ន្ធឧស្សាហកម្មថៃ (FTI) សិង្ហបុរីធ្លាប់មានតម្លៃអគ្គិសនីត្រឹម 0.33 SGDក្នុងមួយ Kw/h  (ក្នុងឆ្នាំ 2023) ប៉ុន្តែបច្ចុប្បន្នសិង្ហបុរីមានតម្លៃអគ្គិសនី 0.49SGD ។

នៅថ្ងៃទី 28 ខែមិថុនា ឆ្នាំ 2024 ក្រុមហ៊ុនថាមពលដែលមានមូលដ្ឋាននៅសិង្ហបុរី SP Group បានប្រកាសថា អត្រាអគ្គិសនីក្នុងគ្រួសារនឹងមាន 1.19 SGD ក្នុងមួយគីឡូវ៉ាត់ម៉ោង (មិនទាន់កាត់ពន្ធ) ។

ជាមួយនឹងថ្លៃភ្លើងថ្មីនេះ វិក្កយបត្រអគ្គិសនីប្រចាំខែជាមធ្យមសម្រាប់គ្រួសារដែលរស់នៅក្នុងផ្ទះល្វែងដែលមានបួនបន្ទប់នឹងកើនឡើងពី 118.03 ដុល្លារសិង្ហបុរី ទៅ 118.38 ដុល្លារសិង្ហបុរី ឬប្រហែល 2,974 បាត (ក្នុងមួយខែ)។

រលកកំដៅ មូលហេតុ​ដែល​ថ្លៃ​អគ្គិសនី​ថ្លៃ​នៅ​សិង្ហបុរី

ទីភ្នាក់ងារ​បរិស្ថាន​ជាតិ​សិង្ហបុរី​បាន​រាយការណ៍​ថា សីតុណ្ហភាព​ខ្ពស់​បំផុត​ក្នុង​ឆ្នាំ​២០២៤ គឺ​៣៧​អង្សា​សេ ដែល​បំបែក​កំណត់ត្រា​មុន ​36,7​អង្សា​សេ ។ តម្រូវការអគ្គិសនីរបស់ប្រទេសសិង្ហបុរីបានកើនឡើង 8% ពី 7.3 ជីហ្គាវ៉ាត់ក្នុងខែកុម្ភៈ ឡើងដល់ 7,9 ជីហ្គាវ៉ាត់ក្នុងខែឧសភា (2023) ។

សិង្ហ​បុរី​ឲ្យ​ 398 SGD ​ក្នុង​មួយ​គ្រួសារ​

រដ្ឋាភិបាលសិង្ហបុរីមិនផ្ទេរប្រាក់តាមរយៈ PromptPay ទេ ប៉ុន្តែនឹងបង់ប្រាក់តាមរយៈ «ប័ណ្ណទូទាត់អេឡិចត្រូនិក» ឬ CDC Vouchers មានគោលបំណងផ្តល់ដើមទុនសម្រាប់គ្រួសារដើម្បីទប់ទល់នឹងការចំណាយលើការរស់នៅផ្សេងៗ ។

ព័ត៌មានលម្អិតមានដូចខាងក្រោម៖

សម្រាប់ផ្ទះនីមួយៗ

• កុមារដែលមានអាយុពី 0-12 ឆ្នាំនឹងទទួលបាន 500 ដុល្លារសិង្ហបុរី ឬប្រមាណ 1,500,000 រៀល ។
• ក្មេងធំ (ចប់មធ្យមសិក្សា) ទទួលបាន 500 ដុល្លារសិង្ហបុរី ឬប្រមាណ 1,500,000 រៀល

សម្រាប់គ្រួសារធំ

• រាល់កុមារសិង្ហបុរី 3 នាក់ដែលកើតចាប់ពីថ្ងៃទី 18 ខែកុម្ភៈ ឆ្នាំ 2015 ទៅ, រាល់កុមារសិង្ហបុរីបីនាក់ (មិនតម្រូវលក្ខខណ្ឌអាយុ) និងម្តាយដែលផ្តល់កំណើតដល់ទារកសិង្ហបុរី 3 នាក់ដែលកើតចាប់ពីថ្ងៃទី 18 ខែកុម្ភៈ ឆ្នាំ 2015 ទៅ នឹងទទួលបាន 10,000 ដុល្លារសិង្ហបុរី ប្រមាណ 30,000,000 រៀល ៕