អត្ថបទ សូរ្យរិទ្ធ៖

Photo by មតិអ្នក

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា មានប្រសាសន៍ថា កម្ពុជាមិនមែនជាមូលដ្ឋានសម្រាប់ការចាប់ជំរិត និងការជួញដូរមនុស្សនោះទេ គឺបានដាក់គោលដៅទេសចរណ៍បរទេសចំនួន ៧,៥ លាននាក់នៅឆ្នាំនេះ ។

សម្តេចមហាបវរធិបតី បានអំពាវនាវឱ្យមានភ្ញៀវទេសចរបរទេសមកលេងប្រទេសកម្ពុជាឲ្យកាន់តែច្រើន ដោយប្រទេស​នេះ​មិន​មែន​ជា​មូលដ្ឋាន​សម្រាប់​ការ​ចាប់​ជំរិត​ ឧក្រិដ្ឋកម្មតាមអ៊ីនធឺណិត ឬការជួញដូរមនុស្សនោះទេ ។

ប្រមុខ​ដឹកនាំ​កម្ពុជា​បាន​ថ្លែង​ដូច្នេះ​ក្នុង​ពេល​ចូលរួម​ក្នុង​ពិធី​បិទ​កិច្ចប្រជុំ​ប្រចាំឆ្នាំ​របស់​ក្រសួងទេសចរណ៍​នៅ​រាជធានី​ភ្នំពេញ សម្តេច​ថា រដ្ឋាភិបាល​បាន​បង្កើន​ការ​ប្រុង​ប្រយ័ត្ន និង​ចាត់​វិធានការ​តឹងរ៉ឹង​ចំពោះ​អ្នក​ដែល​ប៉ុនប៉ង​ប្រើប្រាស់​ប្រទេស​កម្ពុជា​ជា​មូលដ្ឋាន​សម្រាប់​សកម្មភាព​ក្រោមដី​របស់​ពួកគេ ។

ទេសចរណ៍គឺជាសសរស្តម្ភមួយក្នុងចំណោមសសរស្តម្ភទាំងបួនដែលជំរុញសេដ្ឋកិច្ចកម្ពុជា រួមជាមួយនឹងការនាំចេញសម្លៀកបំពាក់ កសិកម្ម អចលនទ្រព្យ និងសំណង់ ។

រដ្ឋមន្ត្រីក្រសួងទេសចរណ៍លោក ហួត ហាក់ បានមានប្រសាសន៍ថា «នៅឆ្នាំ២០២៤ ភ្ញៀវទេសចរបរទេសចំនួន ៦,៧ លាននាក់បានមកទស្សនាប្រទេសកម្ពុជា កើនឡើង ២៣% ធៀបនឹងឆ្នាំមុន។ សម្រាប់ឆ្នាំ 2025 យើងសង្ឃឹមថា ចំនួនភ្ញៀវទេសចរបរទេសមកទស្សនាកម្ពុជានឹងកើនឡើងដល់ 7.2 លាននាក់ ទៅ 7.5 លាននាក់» ។

សម្តេចធិបតីមានប្រសាសន៍គួរឲ្យសប្បាយទុកមុនថា បុណ្យចូលឆ្នាំខ្មែរក្នុងខែមេសាខាងមុខ កម្ពុជានឹងរៀបចំ «មហាសង្ក្រាន្ត» នៅខេត្តសៀមរាប ជាទីរមណីយដ្ឋានទេសចរណ៍វប្បធម៌ និងធម្មជាតិ របស់ព្រះរាជាណាចក្រម្ពុជា ៕