ខេត្តកោះកុង: កាលពីថ្ងៃទី០១ ខែមីនា ឆ្នាំ២០២៥ លោក គោរម្យ ដាឡា ប្រធានសមាគមនិស្សិតសន្តិភាពដើម្បីប្រជាធិបតេយ្យ បានដឹកនាំក្រុមការងារចូលរួមពិធី «បុណ្យកោងកាងសន្តិភាព» រៀបចំដោយអង្គការមេត្តាធម្មជាតិ ក្រោមអធិបតីភាព ឯកឧត្ដមបណ្ឌិត អ៊ាង សុផល្លែត រដ្ឋមន្ដ្រីក្រសួងបរិស្ថាន និងលោកជំទាវ មិថុនា ភូថង អភិបាលនៃ គណៈអភិបាលខេត្តកោះកុង និងមានការអញ្ជើញចូលរួមពី សមាគមក្រុមការងារ ១០០រាត្រី ដឹកនាំដោយលោក មួង សូនី សមាគមយុវជនពន្លឺព្រះចន្ទ ដឹកនាំដោយឯកឧត្ដម ម៉ៅ ស៊ីថា សមាគមសប្បុរសធម៌ខ្មែរកម្ពុជាក្រោម ដឹកនាំដោយលោក សឿង សុធានី សមាគមយុវជនអភិវឌ្ឍន៍សេដ្ឋកិច្ច និងសង្គម ដឹកនាំដោយលោក សុត ពិសិដ្ឋ សមាគមស្ដ្រីទ្រទ្រង់សន្តិភាព ដឹកនាំដោយលោកស្រី ឃុត ណារឿន អង្គការសកល ដឹកនាំដោយលោកស្រី ញ៉ សុខឃីម ព្រមទាំង ស.ស.យ.ក ខេត្តកោះកុង អាជ្ញាធរមូលដ្ឋាន សិស្សានុសិស្ស និងប្រជាសហគមន៍មូលដ្ឋានផងដែរ។

កម្មវិធីនេះ ប្រារព្ធធ្វើឡើងក្នុងគោលបំណងលើកកម្ពស់ការយល់ដឹងអំពីសារៈសំខាន់ នៃព្រៃកោងកាង ដែលជាប្រព័ន្ធអេកូឡូស៊ីដ៏សំខាន់ និងផ្តល់អត្ថប្រយោជន៍យ៉ាងច្រើន ដល់បរិស្ថាន និងសង្គម ដូចជាធនធានធម្មជាតិដែលការពារឆ្នេរពីគ្រោះធម្មជាតិ ផ្តល់ជម្រកដល់ជីវៈចម្រុះ និងជាប្រភពចំណូលដ៏សំខាន់សម្រាប់សហគមន៍មូលដ្ឋាន ស្របតាមគោលនយោបាយរបស់រាជរដ្ឋាភិបាលកម្ពុជា ក្រោមការដឹកនាំដ៏ខ្ពង់ខ្ពស់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា។

នៅចុងបញ្ចប់កម្មវិធី ឯកឧត្ដមបណ្ឌិត អ៊ាង សុផល្លែត រដ្ឋមន្ដ្រីក្រសួងបរិស្ថាន និងលោកជំទាវ មិថុនា ភូថង អភិបាលនៃគណៈអភិបាលខេត្តកោះកុង ថ្នាក់ដឹកនាំសមាគមអង្គការសង្គមស៊ីវិល ព្រមទាំងយុវជន បានចូលរួមដាំកូនឈើកោងកាង នៅក្នុងតំបន់ការពារធនធានធម្មជាតិផងដែរ ៕