ប្រទេសដែលកំពុងមានសង្គ្រាម ប្រៀបដូចនរកលើដី ប្រជាជនខ្មែរធ្លាប់ដើរ រត់ ឆ្លងកាត់អណ្តាតភ្លើងសង្គ្រាម ៥០០ឆ្នាំមកហើយ...  គ្រាប់កាំភ្លើងមិនស្គាល់មនុស្ស... សង្រ្គាមមិនផ្តល់ឱកាសឱ្យមនុស្សរស់នៅសុខស្រួល និងមិនអាចកសាងអនាគតបានឡើយ... សង្រ្គាមមិនត្រឹមតែសម្លាប់មនុស្សនៅក្នុងពេលប្រយុទ្ធគ្នានោះទេ តែវានៅតែបន្តសម្លាប់មនុស្ស តាមរយៈការបន្សល់ទុកនូវគ្រាប់មីន គ្រាប់ផ្ទុះ ដែលបង្កគ្រោះថ្នាក់ដល់អាយុជីវិតមនុស្សរហូតមកទល់សព្វថ្ងៃ។

បើថ្លាថ្លែងរៀបរាប់ពី«សង្គ្រាម» គឺចំណាយពេលយូរឆ្នាំណាស់ និយាយមិនចេះចប់ សូម្បីសង្គ្រាមអ៊ីស្រាអែលជាមួយប៉ាឡេស្ទីន រស់ជាមួយសង្គ្រាមរាប់រយឆ្នាំ និងសង្គ្រាមអ៊ុយក្រែន ជាមួយរុស្ស៊ី ៣ ឆ្នាំ កន្លងមកហើយ និងសង្គ្រាមនៅប្រទេសស៊ីរី«ខ្ទេច... ពាក្យថា «ខ្ទេច» ក៏និយាយមិនចេះចប់ដែរ... !

សន្តិភាពគ្មានអ្វីអាចកាត់ថ្លៃបាន សម្រាប់កម្ពុជាដែលទទួលបានសន្តិភាពពេញលេញ ក្រោមគំនិត ប្រាជ្ញាវាងវៃ និងការលះបង់ជីវិត របស់សម្តេចតេជោ ហ៊ុន សែន ដែលផ្តល់រហស្សនាមថា «ជាបិតាសន្តិភាព»ទើបប្រជាជនកម្ពុជាបានរំលេចចេញនូវពាក្យ «អរគុណសន្តិភាព» ដែលធ្វើឲ្យពួកគាត់រស់នៅសុខសាន្តត្រាណ និងប្តេជ្ញាការពារសន្តិភាព ការពារសន្តិភាពៗៗៗ មិនឲ្យកើតមានសង្គ្រាមជាថ្មី ។

មានមនុស្សខ្មែរមួយចំនួនតូច បានប្រមាថកាតទៀនពាក្យ «សន្តិភាព» រកបានដោយលំបាកបំផុត ដែលពួកយើងជាអ្នកជំនាន់ក្រោយ ត្រូវតែបន្តរែកពុន និងថែរក្សាឱ្យបាន ទោះក្នុងកាលៈទេសៈណាក៏ដោយ។

ងាកទៅប្រទេសមួយចំនួននៅលើពិភពលោក ពេលនេះគឺជាពេលវេលាដ៏សំខាន់សម្រាប់ប្រជាជនមូស្លីម។ ប្រទេសជាច្រើនកំពុងចាប់ផ្តើមខែរ៉ាម៉ាដាន ដែលជាខែដ៏វិសុទ្ធរបស់សាសនាឥស្លាម ។ ប្រជាជនមូស្លីមត្រូវបានគេមើលឃើញថាកំពុងអធិស្ឋានបន់ស្រន់ឲ្យសង្គ្រាម​ត្រូវ​បញ្ចប់ និងបានសន្តិភាព ​ និងជាខែម៉ារ៉ដានទទួលទានអាហាររួមគ្នា ។

រ៉ាម៉ាដានគឺជាខែទីប្រាំបួននៃប្រតិទិនអ៊ីស្លាម ត្រូវ​បាន​គេ​សង្កេត​ឃើញ​ដោយ​ប្រជាជន​មូស្លីម​នៅ​ទូទាំង​ពិភពលោក​ថា​ជា​ខែ​នៃ​ការ​តម​អាហារ និងការ​អធិស្ឋាន ។ ថ្ងៃទី 3 មីនា 2025 ប្រជាជនមូស្លីមរាប់ពាន់នាក់បានចេញមកទទួលទានអាហាររួមគ្នានៅវិហារអ៊ីស្លាមមួយក្នុងទីក្រុងញូវដេលី ប្រទេសឥណ្ឌា បន្ទាប់ពីថ្ងៃទី ២ មីនា គឺជាថ្ងៃដំបូងនៃការតមអាហារក្នុងខែរ៉ាម៉ាដាន ។

ចំណែកបរិយាកាសនៅវិហារឥស្លាមមួយក្នុងទីក្រុងការ៉ាជី ប្រទេសប៉ាគីស្ថាន ប្រជាជនមូស្លីមជាច្រើនបានប្រមូលផ្តុំគ្នាបួងសួងសុំសន្តិភាព និងទទួលទានអាហារពេលថ្ងៃ Iftar ។ ក្នុងពិធីបុណ្យនេះ នឹង​មាន​មនុស្ស​ចិត្ត​ធម៌​ជា​ច្រើន​នាំ​យក​អាហារ​ទៅ​ចែក​ជូន​ប្រជាជន​ក្នុង​ក្រុង រួមទាំងជនក្រីក្រផង ។

ដូចនៅទីក្រុងយ៉ាំងហ្គោន ប្រទេសមីយ៉ាន់ម៉ា ប្រជាជនមូស្លីមចេញមកអធិស្ឋាន ហើយរង់ចាំនៅក្នុងជួរដើម្បីទទួលអាហារ ។ ប្រជាជនមូស្លីមមានចំនួន 4.3 ភាគរយនៃចំនួនប្រជាជនសរុបនៃប្រទេស។

បរិយាកាស​បែប​នេះ​ក៏​កើត​ឡើង​នៅ​ក្រុង​បាកដាដ​របស់​អ៊ីរ៉ាក់​ផងដែរ ពេល​ដែល​អ្នក​កាន់​សាសនា​ឥស្លាម​ចេញ​មក​បន់ស្រន់ និង​ទទួល​ទាន​ក្នុង​អំឡុង​ពេល​បុណ្យ Iftar នៅទីនេះ ។

ការបួងសួងផ្សេងៗវា​ជា​ប្រពៃណី​ដ៏​ពិសិដ្ឋ​របស់​អ្នក​កាន់​សាសនា​ឥស្លាម​ដែល​បាន​ប្រតិបត្តិ​ជា​បន្តបន្ទាប់​ជា​យូរ​មក​ហើយ។ ប្រជាជនមូស្លីមត្រូវបានតម្រូវឱ្យឈប់ផឹកស្រា បរិភោគក្នុងអំឡុងពេលអាហារថ្ងៃត្រង់ ឬពីថ្ងៃរះដល់ថ្ងៃលិច រួមទាំងការបដិសេធមិនចូលរួមក្នុងអាកប្បកិរិយាដែលផ្ទុយនឹងគោលការណ៍សាសនា ផ្ទុយនឹងសីលធម៌ល្អ និង​បដិសេធ​ការ​ហាមប្រាម​ផ្សេងៗ​តាម​ការ​កំណត់​ដោយ​សាសនា​ពេញ​មួយ​ខែ​នេះ ៕