នៅថ្ងៃទី ៧ ខែមីនា ឆ្នាំ ២០២៥ មន្ទីរបរិស្ថានខេត្តកែប បានទទួលបដិសណ្ឋារកិច្ចដំណើរទស្សនកិច្ចក្នុងតំបន់នានាក្នុងខេត្តកែប  និងរៀបចំកម្មវិធីដាំកូនកោងកាងចំនួន ១.០០០ដើម នៅសហគមន៍នេសាទភូមិកែប ដើម្បីអបអរសាទរខួបលើកទី១១៤ ទិវាអន្តរជាតិនារី ៨មីនា ឆ្នាំ២០២៥ ក្រោមប្រធានបទ «សិទ្ធិ សមភាព និងភាពអង់អាច ចំពោះស្ត្រី និងក្មេងស្រីគ្រប់រូប» ក្រោមអធិបតីភាព លោកជំទាវ ម៉ម ថានី និងលោកជំទាវ ងិន លីណា រដ្ឋលេខាធិការក្រសួងបរិស្ថាននិងជាតំណាងសមាគមន៍នារីក្រសួងបរិស្ថាន និង លោកស្រី គឹម ចន្នី អភិបាលរងនៃគណៈអភិបាលខេត្ត ។

សហគមន៍​នេសាទ​ក្នុង​ខេត្ត​កែប ដែល​បាន​ក្លាយ​ខ្លួន​ជា​តំបន់​ទេសចរណ៍​មួយ បាន​ដាក់​ផែនការ​ដាំ​ដើម​កោង​កាង​​បន្ថែម ដើម្បី​ជួយ​ការពារ​ជីវចម្រុះ​ដ៏​សម្បូរ​បែប​ក្នុង​តំបន់​នេះ និង​ផ្តល់​ជូន​ភ្ញៀវ​ទេសចរ​នូវ​បរិយាកាស​ស្ងប់ស្ងាត់ ក្នុង​ការ​សម្រាកលំហែផងដែរ ៕