តើសង្គ្រាមរុស្ស៊ី-អ៊ុយក្រែន ៣ឆ្នាំ បានបំផ្លាញព្រៃឈឺអស់ប៉ុន្មាន?

ព័ត៌មានអន្តរជាតិថ្ងៃសៅរ៍ ទី08 ខែមិីនា ឆ្នាំ2025 ម៉ោង 7:19 នាទី ល្ងាច

 

ដោយ សាវុឌ្ឍ៖

 

កាសែត The Guardian ចេញផ្សាយថា សង្គ្រាម​រុស្ស៊ី​និង​អ៊ុយក្រែន​រយៈពេល​បី​ឆ្នាំ​ បាន​ជះឥទ្ធិពល​យ៉ាងធ្ងន់ធ្ងរ​ដល់​បរិស្ថាន ។ ព្រៃឈើ១៨លានរ៉ៃត្រូវបានបំផ្លាញដោយភ្លើងឆេះព្រៃដែលបង្កឡើងដោយមនុស្ស ហើយគ្រោះរាំងស្ងួតបញ្ចេញកាបូនយ៉ាងច្រើន។ ការបំភាយឧស្ម័នផ្ទះកញ្ចក់កើនឡើង 230 លានតោន ។

ថ្ងៃទី 24 ខែកុម្ភៈ ឆ្នាំ 2022 ជាថ្ងៃដំបូងដែលរុស្សីបើកការឈ្លានពានពេញទំហឹងលើប្រទេសអ៊ុយក្រែន រហូតមកទល់ឥឡូវមានរយៈពេល ៣ ឆ្នាំ ។

បន្ថែមពីលើការបាត់បង់ និងការរងទុក្ខរបស់មនុស្ស សង្គ្រាមរុស្ស៊ី - អ៊ុយក្រែន នៅតែបង្កការខូចខាតបរិស្ថានយ៉ាងសម្បើម ។ មូលនិធិសត្វព្រៃពិភពលោក (WWF) ប៉ាន់ប្រមាណថា ព្រៃឈើប្រហែល ៣លានហិកតាត្រូវបានបំផ្លាញ ដូចជា កាប់ ដុត ជីកវាលស្រែ កប់មីន ជាដើម ។ល។

ការសិក្សាបានរកឃើញថា ព្រៃឈើដែលត្រូវបានបំផ្លាញ (ដោយការដុត) ក្នុងរយៈពេលបីឆ្នាំនៃសង្រ្គាមបានបញ្ចេញឧស្ម័នផ្ទះកញ្ចក់ចំនួន 230 លានតោនក្នុងរយៈពេល 12 ខែចុងក្រោយនេះ។ ការបំពុលប្រហែល 55 លានតោនត្រូវបានបញ្ចេញ ទាំងនេះគឺជាភ្លើងឆេះព្រៃដែលបង្កើតឡើងដោយមនុស្ស។

កាលពីរដូវក្តៅមុន កើតមានគ្រោះរាំងស្ងួតមិនធម្មតា បណ្តាលឱ្យមានភ្លើងឆេះព្រៃជាច្រើននៅតំបន់សមរភូមិ។ ការសិក្សាបានរកឃើញថា នៅឆ្នាំ 2024 តំបន់ដែលត្រូវភ្លើងឆេះ ត្រូវបានគេប៉ាន់ប្រមាណថាមានចំនួន 92,100 ហិកតា កើនឡើងទ្វេដងនៃមធ្យមប្រចាំឆ្នាំ (38,300 ហិកតា) ៕


ហាមធ្វើការចម្លងអត្ថបទ ដោយមិនមានការអនុញ្ញាត្តិ។

ភ្ជាប់ទំនាក់ទំនងជាមួយយើងឥឡូវនេះ

អត្ថបទប្រហាក់ប្រហែល


ពាណិជ្ជកម្ម

អត្ថបទថ្មីៗ

អត្ថបទពេញនិយម