រដូវរាំងស្ងួត ប្រទេសលាវ ដាស់តឿនប្រជាជនឱ្យប្រើប្រាស់ទឹកសន្សំសំចៃ
អាជ្ញាធររដ្ឋាករទឹកទីក្រុងវៀងចន្ទន៍ បានចេញសេចក្តីថ្លែងការណ៍ថា ការផលិតទឹកក្នុងរដូវក្តៅទំនងជាមានកម្រិត ហើយសូមប្រជាពលរដ្ឋជួយសន្សំសំចៃទឹកផង។
AFP រាយការណ៍ពីទីក្រុងវៀងចន្ទន៍ ប្រទេសឡាវ កាលពីថ្ងៃទី១១ មីនា ថា សេចក្តីប្រកាសនេះគូសបញ្ជាក់ពីបញ្ហាប្រឈមទឹកប្រើសប្រាស់ ដែលសមត្ថភាពផលិតទឹកបច្ចុប្បន្នមានចំនួន 348,000ម៉ែត្រគុបក្នុងមួយថ្ងៃ ប៉ុន្តែតម្រូវការទឹកមានដល់ចំនួន 520,000 ម៉ែត្រគុបក្នុងមួយថ្ងៃ។
អាជ្ញាធរផលិតទឹកក្រុងវៀងចន្ទន៍បានអំពាវនាវឲ្យប្រជាជន ប្រើប្រាស់ទឹកត្រូវមានកម្រិតរបស់ពួកគេ។ និងផ្តល់សារៈសំខាន់ដល់ការបម្រុងទឹក រួមទាំងការរក្សាទុកទឹកនៅក្នុងធុងទឹក និងជៀសវាងសកម្មភាពដែលខ្ជះខ្ជាយ ដូចជាការប្រើប្រាស់ទឹកដើម្បីលាងផ្លូវ ឬស្រោចរុក្ខជាតិ ។
អ្នកប្រើបណ្ដាញសង្គមបានសម្ដែងការមិនពេញចិត្ត ទាក់ទងនឹងការដោះស្រាយបញ្ហាកង្វះទឹករបស់រដ្ឋាភិបាល ដែលគួរតែដោះស្រាយឫសគល់នៃបញ្ហានេះ ស្វែងរកមូលនិធិ ឬសហការជាមួយអ្នកវិនិយោគបរទេស ដើម្បីបង្កើនសមត្ថភាពផលិតកម្ម ៕
រូបថត GETTY IMAGES
អត្ថបទប្រហាក់ប្រហែល
ពាណិជ្ជកម្ម
អត្ថបទថ្មីៗ
អត្ថបទពេញនិយម