តុលាការឧក្រិដ្ឋកម្មអន្តរជាតិ (ICC) កោះហៅលោក ឌូតឺតេ ​ជួប​លើក​ដំបូង​ក្នុង​សំណុំរឿង​សង្គ្រាម​គ្រឿងញៀន

ព័ត៌មានអន្តរជាតិថ្ងៃសៅរ៍ ទី15 ខែមិីនា ឆ្នាំ2025 ម៉ោង 10:45 នាទី ព្រឹក

ទីភ្នាក់ងារសារព័ត៌មានបរទេសរាយការណ៍ពីទីក្រុងឡាអេ ប្រទេសហុល្លង់ ថ្ងៃទី ១៥ ខែមីនា នេះបាននិយាយថា តុលាការឧក្រិដ្ឋកម្មអន្តរជាតិ (ICC) ឬតុលាការឧក្រិដ្ឋកម្មពិភពលោក អតីតប្រធានាធិបតីហ្វីលីពីន រ៉ូដរីហ្គោ ឌូតឺតេ ត្រូវបានកោះហៅជាលើកដំបូងកាលពីថ្ងៃសុក្រ ដែលជាជនជាប់ចោទក្នុងសំណុំរឿងឧក្រិដ្ឋកម្មប្រឆាំងមនុស្សជាតិ ពីការប្រើប្រាស់គោលនយោបាយសង្គ្រាមគ្រឿងញៀន ។

ទោះបីជាការស៊ើបអង្កេតត្រូវបានធ្វើឡើងតាមរយៈសន្និសីទតាមប្រព័ន្ធអេឡិចត្រូនិចក៏ដោយ វាមិនដូចទៅតុលាការខ្លួនឯងទេ ដូចដែលមនុស្សជាច្រើនបានព្យាករណ៍ពីមុន ប៉ុន្តែ​វា​ត្រូវ​មាន​ការ​អនុញ្ញាត​ពី​តុលាការ ខណៈដែលលោក ឌូតឺតេ បានចំណាយពេលយូរដើម្បីមកដល់ទីក្រុងឡាអេ ចាប់​តាំង​ពី​ថ្ងៃ​ទី​១១ ខែ​មីនា មក ។

 

លោកស្រី សារ៉ា ឌីតឺតេ អនុប្រធានាធិបតីហ្វីលីពីន សុន្ទរកថា​នៅ​កណ្តាល​អ្នក​គាំទ្រ នៅមុខតុលាការឧក្រិដ្ឋកម្មអន្តរជាតិនៅទីក្រុងឡាអេ ប្រទេសហូឡង់

 

លោក ឌូតឺតេ អាយុ 79 ឆ្នាំគឺជាអតីតមេដឹកនាំដំបូងគេមកពីប្រទេសអាស៊ីមួយ ដែល​ត្រូវ​ទៅ​តុលាការ​ឧក្រិដ្ឋកម្ម​អន្តរជាតិ បញ្ជាក់ព័ត៌មានផ្ទាល់ខ្លួនទៅចៅក្រម និង​បង្ហាញ​ខ្លួន​នៅ​តុលាការ​ ។

លោក សាល់វ៉ាឌ័រ មេឌីយ៉ាល់ឌា មេធាវីរបស់លោក ឌូតឺតេ បាននិយាយថា កូនក្តីរបស់គាត់ត្រូវបាន «ចាប់ពង្រត់» ពីប្រទេសហ្វីលីពីន ហើយបានទទូចថា លោក ឌូតឹតេ កំពុងមានបញ្ហាសុខភាពធ្ងន់ធ្ងរ  តែព្រះរាជអាជ្ញាបានជំទាស់។ វេជ្ជបណ្ឌិត ICC បញ្ជាក់​ថា អតីតមេដឹកនាំហ្វីលីពីន «រឹងមាំគ្រប់គ្រាន់» ដើម្បីទទួលការកាត់ក្តីដោយខ្លួនឯង។

ខណៈដែល​អនុ​ប្រធានាធិបតី​ហ្វីលីពីន លោកស្រី សារ៉ា ឌូតឺតេ ​កូន​ស្រី​របស់ ឌូតឺតេ បានធ្វើដំណើរទៅសួរសុខទុក្ខឪពុកនៅទីក្រុងឡាអេ ហើយ​បាន​និយាយ​ទៅកាន់​មហាជន​អ្នកគាំទ្រ ។ ជនជាតិហ្វីលីពីនម្នាក់រស់នៅក្នុងប្រទេសហូឡង់ ថា​អតីត​មេដឹកនាំ​ហ្វីលីពីន​រឹងមាំ​និង​ពោរពេញ​ដោយ​ស្មារតី​ ។ 

ទោះបីជាហ្វីលីពីនដកខ្លួនចេញពីលក្ខន្តិកៈទីក្រុងរ៉ូមក៏ដោយ ដែលជាសន្ធិសញ្ញាអន្តរជាតិបង្កើត ICC ប៉ុន្តែ ICC ទទូច «មានយុត្តាធិការទូលំទូលាយ» ពីព្រោះរឿងនេះបានកើតឡើងខណៈពេលដែលហ្វីលីពីននៅតែជាសមាជិក ICC ។

អគ្គមេធាវីរបស់ ICC លោក ការីម ខាន់ បាននិយាយថា ការចាប់ខ្លួនអតីតមេដឹកនាំហ្វីលីពីនគឺ «មានសារៈសំខាន់» ហើយបានបង្ហាញភាគីទាំងអស់ថា «ច្បាប់អន្តរជាតិមិនទន់ខ្សោយដូចដែលមនុស្សជាច្រើនបានអះអាងនោះទេ» ។

មុន​នេះ លោក ឌូតឺតេ បាន​បញ្ចេញ​វីដេអូ​នៃ​ការ​ថ្លែង​របស់​លោក។ លោកជាមេបញ្ជាការ គាត់​នឹង​ការពារ​ទាហាន និង​ប៉ូលិស​ទាំងអស់​ដែល​ពាក់ព័ន្ធ​ក្នុង​សង្គ្រាម​គ្រឿងញៀន​​ដោយ​អស់ពី​កម្លាំង​កាយរបស់គាត់។ រាល់ប្រតិបត្តិការដែលបានកើតឡើងគឺ «ការងារ និងភារកិច្ច» ហើយគាត់គឺជាអ្នកដឹកនាំនៅពេលនោះ «ត្រូវតែទទួលខុសត្រូវ» ។

ក្រសួងការបរទេសចិនបាននិយាយថា ទីក្រុងប៉េកាំងកំពុងតាមដានយ៉ាងដិតដល់អំពីស្ថានការណ៍នេះ និងបានសម្តែងការព្រួយបារម្ភអំពី «ស្តង់ដារទ្វេ» និង «ការជ្រៀតជ្រែកនយោបាយ» ៕

Photo: AFP

ដោយ ម៉ារ៉ា


ហាមធ្វើការចម្លងអត្ថបទ ដោយមិនមានការអនុញ្ញាត្តិ។

ភ្ជាប់ទំនាក់ទំនងជាមួយយើងឥឡូវនេះ

អត្ថបទប្រហាក់ប្រហែល


ពាណិជ្ជកម្ម

អត្ថបទថ្មីៗ

អត្ថបទពេញនិយម