បើស្រឡាញ់ភ្នែក សូមទៅពិនិត្យឱ្យបានទៀងទាត់!  ACU បានអញ្ជើញវេជ្ជបណ្ឌិតឯកទេសភ្នែក នៃមន្ទីរពេទ្យព្រះអង្គឌួង មកផ្សព្វផ្សាយ និងពិនិត្យភ្នែកទូទៅ

ព័ត៌មានសង្គមថ្ងៃអង្គារ៍ ទី18 ខែមិីនា ឆ្នាំ2025 ម៉ោង 8:22 នាទី ល្ងាច

 

មនុស្សភាគច្រើនប្រឈមមុខនឹងបញ្ហាភ្នែកនៅពេលណាមួយក្នុងជីវិត មិនថា ជាអនីតិជន ឬមនុស្សធំ ដែលនឹងមានបញ្ហាជំងឺភ្នែកដោយមិនដឹងខ្លួន ដូច្នេះត្រូវការគ្រូពេទ្យឯកទេសខាងភ្នែកសម្រាប់ការថែទាំ និងព្យាបាល។ ដូចពាក្យចាស់តែងពោលថា «ស្រឡាញ់ស្មើកែវភ្នែក» គឺមានន័យថា ចាត់ទុកកែវភ្នែកមានតម្លៃធំធេងក្នុងជីវិតមនុស្ស ។

ដោយសារវាមានសារសំខាន់យ៉ាងធំធេងដូច្នេះ អង្គភាពប្រឆាំងអំពើពុករលួយ បានអញ្ជើញវេជ្ជបណ្ឌិតឯកទេសភ្នែក និងគ្រូពេទ្យ នៃមន្ទីរពេទ្យព្រះអង្គឌួង មកផ្សព្វផ្សាយ និងពិនិត្យភ្នែកទូទៅ ជូនថ្នាក់ដឹកនាំ និងមន្ត្រីរាជការ នារសៀលថ្ងៃទី ១៨ ខែមីនា ឆ្នាំ ២០២៥ នៅអង្គភាពប្រឆាំងអំពើពុករលួយ ។

លោកវេជ្ជបណ្ឌិត រិទ្ធ ណារ៉ុង វេជ្ជបណ្ឌិតផ្នែកចក្ចុរោគ បង្ហាញបទឧទ្ទេសនាម ពី​ជំងឺភ្នែក ដូចជា ភ្នែកឡើងបាយ ទឹកដក់ក្នុងភ្នែក កន្ទុយថ្លែន ​ជំងឺភ្នែកស្ងួត ភ្នែកក្រហម រលាកបាតភ្នែក ដែលពេលខ្លះវា​មិន​មាន​រោគ​សញ្ញា ឬ​ការ​ព្រមាន​ណា​មួយ​ឡើយ។ ទោះជាយ៉ាងណាក៏ដោយ គ្រូពេទ្យឯកទេសខាងភ្នែក អាចរកឃើញ និងគ្រប់គ្រងជំងឺទាំងនេះ មុនពេលពួកវាធ្វើឱ្យខូចកាយវិភាគសាស្ត្ររបស់យើង ដូច្នេះហើយ ចាំបាច់ត្រូវទៅពិនិត្យភ្នែកឱ្យបានទៀងទាត់ ។

កិត្តិនីតិកោសលបណ្ឌិត ទេសរដ្ឋមន្ត្រី ឱម យ៉ិនទៀង បានមានប្រសាសន៍ថា ភ្នែកពិតជាមានសារសំខាន់ណាស់ខាងផ្នែករូបកាយ រូបារម្មណ៍ ដូច្នេះយើងត្រូវរៀនសូត្រឲ្យយល់ដឹង និងចេះថែរក្សាភ្នែកខ្លួនឯងឲ្យបានល្អរៀងរាល់ថ្ងៃ ។ ឯកឧត្តម ទេសរដ្ឋមន្ត្រី បានថ្លែងអំណរគុណជាអនេកប្បការ ចំពោះឯកឧត្តមសាស្ត្រចារ្យរង លូ លីឃាង នាយកមន្ទីរពេទ្យព្រះអង្គឌួង និងក្រុមគ្រូពេទ្យទាំងអស់ ដែលបានលះបង់កម្លាំងកាយចិត្ត និងពេលវេលា ក្នុងមើលថែព្យាបាល មិនថាតែមន្ត្រី ACU គឺទាំងប្រជាជនទូទៅ និងពលរដ្ឋក្នុងខណ្ឌទួលគោកទាំងមូល ៕

Phot by ACU


ហាមធ្វើការចម្លងអត្ថបទ ដោយមិនមានការអនុញ្ញាត្តិ។

ភ្ជាប់ទំនាក់ទំនងជាមួយយើងឥឡូវនេះ

អត្ថបទប្រហាក់ប្រហែល


ពាណិជ្ជកម្ម

អត្ថបទថ្មីៗ

អត្ថបទពេញនិយម