នៅថ្ងៃទី២២ ខែមីនា ឆ្នាំ២០២៥ លោកជំទាវ ម៉ុម ថានី រដ្ឋលេខាធិការក្រសួងបរិស្ថាន បានអញ្ជើញចូលរួមក្នុង «កម្មវិធីតាំងពិព័រណ៍ទីផ្សារនៃផលិតផលអនុផលព្រៃឈើ» នៅខេត្តសៀមរាប ដោយមានការអញ្ជើញចូលរួមពី ឯកឧត្តមអភិបាលរងនៃគណៈអភិបាលខេត្តសៀមរាប តំណាងរដ្ឋបាលព្រៃឈើ នៃក្រសួងកសិកម្ម រុក្ខាប្រមាញ់ និងនេសាទ ប្រធានសម្របសម្រួលគម្រោង AFoCO-CLMV Project មកពី (NTFP-EP Asia) ប្រធានអង្គការកម្មវិធីផ្លាស់ប្តូរបទពិសោធន៍អនុផលព្រៃឈើ (NTFP-EP) ប្រចាំនៅកម្ពុជា តំណាងស្ថាប័នរដ្ឋ វិសយ័ឯកជន អង្គការដៃគូអភិវឌ្ឍន៍ជាតិ និងអន្ដរជាតិពីប្រទេសវៀតណាម ឡាវ និងហ្វីលីពីន សហគ្រាសសហគមន៍មកពីខេត្តទាំង៥ជុំវិញបឹងទន្លេសាប និងខេត្តភាគឦសាន សរុបចំនួន ១១៨នាក់។

ព្រឹត្តិការណ៏នេះរៀបចំឡើងក្នុងគោលបំណងដើម្បីផ្សាភ្ជាប់ផលិតផលអនុផលព្រៃឈើរបស់សហគ្រាសសហគមន៍ទៅអ្នកប្រើប្រាស់ ព្រមទាំងបង្កើនចំណេះដឹងដល់សមាជិកក្រុមកែច្នៃអនុផលព្រៃឈើត្រូវតាមតម្រូវការទីផ្សារ និងបង្កើនចំណេះដឹងលើការកសាងផែនការអាជីវកម្មរបស់សហគមន៍ក្នុងការតភ្ជាប់ទៅនឹងទីផ្សារ ៕