អត្ថបទ សាវុឌ្ឍ៖

ក្រសួងកសិកម្ម រុក្ខាប្រមាញ់ និងនេសាទរបស់កម្ពុជា ឲ្យដឹងថា គេប្រទះឃើញផ្សោតទន្លេមេគង្គកើតថ្មីមួយក្បាលទៀត ដែល​ធ្វើ​ឲ្យ​ចំនួន​សត្វ​ផ្សោត​កើត​នៅ​កម្ពុជា​កើន​ដល់ ​៥​ក្បាល​នៅ​ឆ្នាំ ​២០២៥ ។

របាយការណ៍​បញ្ជាក់​ថា​ ក្រុមស្រាវជ្រាវមកពីការិយាល័យគ្រប់គ្រងជលផល និងមូលនិធិសត្វព្រៃពិភពលោក (WWF) បានរកឃើញផ្សោតទន្លេដែលទើបនឹងកើត កាល​ពី​ថ្ងៃ​ទី១១ មីនា ខណៈ​កំពុង​ហែល​ទឹក​ជាមួយ​សត្វ​ផ្សោត​ធំ​ចំនួន ៣ ក្បាល​នៅ​ក្នុង​តំបន់​ផ្សោត​កាំពី ខេត្តក្រចេះ។

សត្វផ្សោត ត្រូវបានចុះក្នុងបញ្ជីក្រហមរបស់សហភាពអន្តរជាតិសម្រាប់ការអភិរក្សធម្មជាតិ (IUCN) ចាប់តាំងពីឆ្នាំ 2004។ ក្នុងឆ្នាំ 2014 កម្ពុជាបានរកឃើញកូនផ្សោត ដែលទើបនឹងកើតចំនួន 9 ក្បាល ក្នុងនោះ 4 ក្បាលបានស្លាប់។

ក្រសួង​ប៉ាន់​ប្រមាណ​ថា បច្ចុប្បន្ន​មាន​សត្វ​ផ្សោតទន្លេ​ប្រមាណ ១០៩ ក្បាល​កំពុង​រស់​នៅ​ក្នុង​ប្រវែង ១៨០ គីឡូម៉ែត្រ​នៃ​ទន្លេ​មេគង្គ​រវាង​ខេត្ត​ស្ទឹងត្រែង និង​ខេត្ត​ក្រចេះ នៅ​ភាគ​ឦសាន​ប្រទេស​កម្ពុជា ៕