កម្ពុជាសង្ឃឹមសម្រាប់ព្រលានយន្តហោះអន្តរជាតិថ្មី គ្រោងនឹងបើកនៅខែកក្កដានេះ ដែលជាជំហានដ៏សំខាន់មួយក្នុងការលើកកម្ពស់វិស័យទេសចរណ៍របស់ព្រះរាជាណាចក្រកម្ពុជា ។

ការ​សាងសង់​ព្រលាន​យន្តហោះ​ថ្មី​ ត្រូវបានគេស្គាល់ជាផ្លូវការថា «អាកាសយានដ្ឋានអន្តរជាតិតេជោ» ដែលចាប់ផ្តើមសាងសង់នៅឆ្នាំ 2019 គ្របដណ្តប់លើផ្ទៃដី 2,600 ហិកតា មាននៅចម្ងាយប្រមាណ 30 គីឡូម៉ែត្រភាគខាងត្បូងនៃរាជធានីភ្នំពេញ ក្នុងខេត្តកណ្តាល និងខេត្តតាកែវ ។

«ខ្ញុំគិតថាអាកាសយានដ្ឋានអន្តរជាតិតេជោ នឹងបើកនៅខែកក្កដា ឆ្នាំ 2025 ហើយយើងជឿជាក់ថា អ្នកដំណើរជាច្រើនកំពុងទន្ទឹងរង់ចាំ យើងចង់ឱ្យពួកគេមកមើលអាកាសយានដ្ឋានថ្មីនេះ» លោក Charles Wan នាយកគណៈកម្មាធិការគ្រប់គ្រងគម្រោងអាកាសយានដ្ឋានបាននិយាយក្នុងអំឡុងពេលធ្វើទស្សនកិច្ចប្រព័ន្ធផ្សព្វផ្សាយ ។

អាកាសយានដ្ឋានថ្មីនេះ គឺជាការបណ្តាក់ទុនរួមគ្នា 1.5 ពាន់លានដុល្លារ រវាងរដ្ឋាភិបាលកម្ពុជា និងក្រុមហ៊ុន Overseas Cambodian Investment Corp. ហើយត្រូវបានសាងសង់ដោយ China Construction Third Engineering Bureau Group Co., Ltd. ។

ស្ថាបត្យកររបស់អាកាសយានដ្ឋានគឺជាក្រុមហ៊ុនអង់គ្លេស Foster + Partners ដែលគេហទំព័ររបស់ពួកគេនិយាយថាការរចនានេះឆ្លុះបញ្ចាំងពីអារម្មណ៍ខ្លាំងនៃទីកន្លែង ខណៈពេលដែលឆ្លើយតបទៅនឹងអាកាសធាតុត្រូពិច ស្ថានីយអ្នកដំណើរត្រូវបានដាក់នៅក្រោមរចនាសម្ព័ន្ធដំបូលសំណាញ់ដែកទម្ងន់ស្រាល ជាមួយនឹងការត្រងពន្លឺថ្ងៃប្រកបដោយភាពច្នៃប្រឌិត ​ទន្ទឹម​នឹង​នេះ​វា​ក៏​ជួយ​បំភ្លឺ​តំបន់​ចំណត​អ្នកដំណើរ​ដ៏​ធំ​ផង​ដែរ​ ។

ការ​សាង​សង់​ត្រូវ​បាន​អនុវត្ត​ជា​បី​ដំណាក់​កាល​ដំបូង​: អាកាសយានដ្ឋាន​នេះ​ត្រូវ​បាន​គេ​រំពឹង​ថា​នឹង​ទទួល​បាន​អ្នក​ដំណើរ​រហូត​ដល់ ១៣ លាន​នាក់​ក្នុង​មួយ​ឆ្នាំ ដោយ​បង្កើន​សមត្ថភាព​ដល់ ៣០ លាន​នាក់​បន្ទាប់​ពី​ឆ្នាំ ២០៣០ និង​ឡើង​ដល់​អតិបរមា ៥០ លាន​នាក់​ក្នុង​ឆ្នាំ ២០៥០។ 

ព្រលាន​យន្តហោះ​នេះ​នឹង​ក្លាយ​ជា​ព្រលាន​យន្តហោះ​ធំ​ទី​ពីរ​ក្នុង​ប្រទេស​កម្ពុជា ​​បន្ទាប់​ពីបានបើកដំណើរការនូវ​អាកាស​យានដ្ឋាន​អន្តរជាតិ​សៀមរាប​-​អង្គរ​ក្នុង​ឆ្នាំ​២០២៣ ដែលជាការវិនិយោគដោយក្រុមហ៊ុនចិន មានចម្ងាយប្រមាណ 40 គីឡូម៉ែត្រភាគខាងកើតនៃប្រាសាទអង្គរវត្ត ដែលជាកន្លែងទាក់ទាញទេសចរណ៍ដ៏សំខាន់បំផុតរបស់ប្រទេសកម្ពុជា ។

វិស័យទេសចរណ៍គឺជាសសរស្តម្ភមួយក្នុងចំណោមសសរស្តម្ភទាំងបួនដែលជួយដល់សេដ្ឋកិច្ចកម្ពុជារបស់យើង ។ យោងតាមក្រសួងទេសចរណ៍ កម្ពុជាបានស្វាគមន៍ភ្ញៀវទេសចរអន្តរជាតិប្រមាណ ៦,៧ លាននាក់នៅឆ្នាំ ២០២៤ កើនឡើង ២៣% បើធៀបនឹងឆ្នាំ ២០២៣ ៕

ដោយ សូរ្យរិទ្ធ