នាយករដ្ឋមន្ត្រីទី 31 របស់ថៃ លោកស្រី ផែថងថាន រស់រានក្នុងជីវិតនយោបាយពីសមរភូមិសួរដេញដោលដំបូងរបស់រដ្ឋសភា បោះឆ្នោតផ្តល់ទំនុកចិត្តបន្តដឹកនាំប្រទេស

ព័ត៌មានអន្តរជាតិថ្ងៃព្រហស្បត្តិ៍ ទី27 ខែមិីនា ឆ្នាំ2025 ម៉ោង 12:32 នាទី ល្ងាច

នាយករដ្ឋមន្ត្រីទី 31 របស់ថៃ បានរស់រានក្នុងជីវិតនយោបាយពីសមរភូមិសួរដេញដោលដំបូងរបស់រដ្ឋសភា បន្ទាប់ពីកិច្ចប្រជុំសភាតំណាងរាស្ត្របានបោះឆ្នោត«ទុកចិត្ត»លើលោកស្រី ភែថងថាន ឈិនវ៉ាត់ ឲ្យបន្តកាន់តំណែងជាមេដឹកនាំប្រទេស។

កិច្ចប្រជុំរដ្ឋសភាបានអនុម័តការបោះឆ្នោតទុកចិត្តលោកស្រី ផែថងថាន ឬ អ៊ុងអ៊ីង នាយករដ្ឋមន្ត្រីថៃ ដោយសំឡេង ៣១៩ ទល់នឹង ១៦២ អនុប្បវាទ ៧ សំឡេង បន្ទាប់ពីបានចំណាយពេលពីរថ្ងៃក្នុងការជជែកដេញដោលជាទូទៅ ដើម្បីបោះឆ្នោតមិនទុកចិត្តមេដឹកនាំរដ្ឋាភិបាលចម្រុះទាំង ១១ គណបក្ស។

នៅក្នុងការបោះឆ្នោត «ទំនុកចិត្ត» សមាជិកសភាគណបក្សប្រឆាំងសរុបចំនួន 7 នាក់ក៏បានបោះឆ្នោតឱ្យលោកស្រីផងដែរ។

នេះចាត់ទុកជាលើកទីមួយហើយដែលរដ្ឋាភិបាល«ផែថងថាន»ត្រូវបានគណបក្សប្រឆាំងដាក់ទៅក្នុងចលនាឲ្យរដ្ឋសភាបោះឆ្នោតមិនទុកចិត្ត ហើយក៏ជាលើកទី១ផងដែរ ដែលគណបក្សប្រជាជនថៃ ត្រូវបានគេសម្អាតបន្ទាប់ពីគណបក្សនេះត្រូវបានរំលាយចំនួន២លើក (គណបក្សអនាគតថ្មី និងគណបក្សឈានមុខ) ដោយការសម្រេចរបស់តុលាការធម្មនុញ្ញ ៕