ប៉ូលិសវៀតណាមបុកទម្លាយចូលរោងចក្រផលិតគ្រឿ.ងញៀ.នធំជាងគេ រឹបអូសបាន «ថ្នាំK» ១,៤ តោន

ព័ត៌មានសង្គមថ្ងៃសុក្រ ទី28 ខែមិីនា ឆ្នាំ2025 ម៉ោង 8:56 នាទី ព្រឹក

ប៉ូលិសវៀតណាមបានឆ្មក់ចូលរោងចក្រផលិតគ្រឿងញៀនធំបំផុតរបស់ប្រទេស និងរឹបអូសបានគ្រឿ.ងញៀ.ន«ថ្នាំខេ» 1.4 តោននៅក្នុងទីក្រុងទេសចរណ៍ឆ្នេរញ៉ាចាង (Nha Trang) ។

ប្រតិបត្តិការរយៈពេលប្រាំមួយខែ ដើម្បីបុកទម្លាយគ្រឿ.ងញៀ.នបញ្ចប់កាលពីថ្ងៃសៅរ៍ សប្តាហ៍មុន។ នៅពេលដែលមន្រ្តី 200 នាក់បានឆ្មក់ចូលរោងចក្រតភ្ជាប់ចំនួនបីកន្លែងនៅក្នុងទីក្រុងភាគខាងត្បូងនៃប្រទេស និងចាប់ខ្លួនជនសង្ស័យចំនួន ១១នាក់ រួមទាំងជនជាតិតៃវ៉ាន់ម្នាក់ ដែលសង្ស័យថាជាមេក្លោង ។

លោក ង្វៀន វ៉ាន់ វៀន ប្រធាននាយកដ្ឋានស៊ើបអង្កេតឧក្រិដ្ឋកម្មគ្រឿ.ងញៀ.ន បាននិយាយនៅលើវេបសាយរបស់រដ្ឋថា «នេះគឺជារោងចក្រផលិតថ្នាំសំយោគដ៏ធំបំផុតដែលមិនធ្លាប់មាននៅវៀតណាម»។

រោងចក្រនេះមានខ្សែផលិតកម្មទំនើប និងមានទំហំធំជាពិសេសបំពាក់ដោយបច្ចេកវិទ្យាទំនើប។ ង្វៀន វ៉ាន់វៀន បាននិយាយ ។

ក្នុងចំណោមអ្នកដែលត្រូវបានចាប់ខ្លួនមានជនជាតិវៀតណាម ៤ នាក់ ចិន ៤ នាក់ និងតៃវ៉ាន់ ៣ នាក់ក្នុងនោះមាន លោក ឆាង ឈុន មីង អាយុ ៥១ ឆ្នាំ ដែលត្រូវសង្ស័យជាមេក្លោង។ ប៉ូលិសបានតាមដានពួកគេ ចាប់តាំងពីបានមកដល់ប្រទេសវៀតណាមក្នុងខែសីហា ឆ្នាំ ២០២៤ រួមជាមួយនឹងការដឹកជញ្ជូនបំពង់កែវជាច្រើន ។

លោក ឈុនមីង បានជួលដីទំហំ 1,300 ម៉ែត្រការ៉េកាលពីខែវិច្ឆិកា ២០២៤ នៅតំបន់ដាច់ស្រយាលនៃទីក្រុង ញ៉ា ត្រាង ជាទីក្រុងពេញនិយមដោយអ្នកទេសចរចិន ហើយត្រូវបានចោទប្រកាន់ថា បានជួលជនជាតិតៃវ៉ាន់ពីរនាក់ ដែលជាអ្នកជំនាញខាងផលិតគ្រឿ.ងញៀ.ន។

សកម្មភាពភាគច្រើនត្រូវបានអនុវត្តនៅពេលយប់ ហើយផលិតផលពាក់កណ្តាលសម្រេចត្រូវបានផ្លាស់ប្តូរទៅរោងចក្រមួយផ្សេងទៀតដើម្បីលុបភាពកខ្វក់។

សេចក្តីថ្លែងការណ៍របស់រដ្ឋាភិបាលដែលដកស្រង់សម្តីប៉ូលិសបាននិយាយថា ថ្នាំញៀ.នដែលផលិតមានភាពបរិសុទ្ធខ្ពស់ ប៉ុន្តែវាមិនទាន់ត្រូវបានគេចែកចាយ ឬលក់ក្នុងប្រទេសវៀតណាម ឬនៅបរទេសនោះទេ។

តុលាការវៀតណាមបានកាត់ទោសប្រហារជីវិតមនុស្ស ២៧នាក់កាលពីខែធ្នូ ២០២៤។ ក្រោយមកគេបានរកឃើញថា ពួកគេបានជាប់ពាក់ព័ន្ធនឹងការជួញដូរថ្នាំញៀ.នជាង ៦០០ គីឡូក្រាម រួមមាន ហេរ៉ូអ៊ីន កេតាមីន (ថ្នាំខេ) និងមេតំហ្វេតាមីន (យ៉ាបាៗ «ថ្នាំឆ្កួត») ។

វៀតណាមមានច្បាប់តឹងរ៉ឹងបំផុតមួយក្នុងពិភពលោក ហើយតុលាការតែងតែកាត់ទោសប្រហារជីវិតអ្នកប្រព្រឹត្តល្មើសគ្រឿ.ងញៀ.ន ជនណាដែលចាប់បានថ្នាំញៀ.នហេរ៉ូអ៊ីនលើសពី ៦០០ ក្រាម ឬមេតំហ្វេតាមីនលើសពី ២,៥ គីឡូក្រាមអាចប្រឈមនឹងការកាត់ទោសប្រហារជីវិត ។

ប្រទេសវៀតណាមមានទីតាំងនៅជិតតំបន់ផលិតគ្រឿងញៀ.នត្រីកោណមាស ជាកន្លែងដែលឡាវ ថៃ និងភូមាជួបប្រសព្វគ្នា។ ប៉ូលីសវៀតណាមបានបញ្ជាក់ថា ៕

AFP – mgronline

ដោយ សាវុឌ្ឍ

ហាមធ្វើការចម្លងអត្ថបទ ដោយមិនមានការអនុញ្ញាត្តិ។

ភ្ជាប់ទំនាក់ទំនងជាមួយយើងឥឡូវនេះ

អត្ថបទប្រហាក់ប្រហែល