ជាទីមោទកភាពណាស់ ដែលតំបន់ទេសភាពបឹងព្រែកល្ពៅ ក្នុងខេត្តតាកែវ មានការកកើតញាស់ពងកូនជាច្រើន និងមានប្រភេទពូជសត្វស្លាបជាច្រើនទៀត បានបង្កពូជនៅតំបន់នេះ ។ នេះដោយសារការដាក់ចេញវិធានការរបស់រាជរដ្ឋាភិបាល ដែលមានក្រសួងបរិស្ថានជាសេនាធិការ ហើយមន្ត្រីឧទ្យានុរក្សជាប្រតិបត្តិករផ្ទាល់ ការពារអភិរក្សបានល្អ​លើសពីការកោតសរសើរ ។ ថ្ងៃទី ២៩ ខែមីនា ឆ្នាំ ២០២៥ មន្រ្តីឧទ្យានុរក្សបានចុះល្បាតនិងបង្ហោះដ្រូន ដើម្បីពិនិត្យមើលស្ថានភាពទីតាំងសត្វស្លាបពងកូនក្នុងតំបន់ការពារទេសភាពបឹងព្រែកល្ពៅ ដោយបានសង្កេតឃើញថា:

១.កូនសត្វចង្កៀលខ្យងរាប់ពាន់ក្បាលបានញាស់ធំធាត់អាចហើរបាននiងមួយចំនួនពុំទាន់អាចហើរបាន

២.កូនសត្វរនាលពណ៌ប្រមាណជា១៥០ក្បាលបានលូតលាស់ធំធាត់ ដោយមួយចំនួនអាចហើរបានទុំដើមឈើជិតៗនោះ នiងមួយចំនួនទៀតពុំទាន់អាចហើរបានទេ

៣.សត្វក្រសារប្រផេះប្រមាណជា១៣០សម្បុកបានញាស់ធំធាត់ដុះរោមអាចឈរលើសំបុកបាន តែពុំទាន់អាចហើរបានទេ

៤.សត្វក្រសារធ្នង់ សត្វខ្វែក សត្វកុក កំពុងក្រាបពងនឹងមួយចំនួនកំពុងកាច់សប្បុក

នេះជាសរបញ្ជាក់ថាបឹងព្រែកល្ពៅ ពិតជាសារសំខាន់បានទ្រទ្រង់ជីវិតសត្វស្លាបគ្រប់រដូវកាលនឹងជាបន្ទាយសត្វស្លាបពងកូនដ៏ធំមួយក្នុងខេត្តតាកែវ ៕

សូមទស្សនាវីដេអូខាងក្រោម

រូបភាព របស់ឧទ្យានុរក្ស នៃមន្ទីរបរិស្ថានខេត្តតាកែវ