ប្រភព khaosod + AP

ដោយ ម៉ារ៉ា

AP បានរាយការណ៍នៅថ្ងៃទី 1 ខែមេសានេះ អំពីស្ថានភាពនៅក្នុងប្រទេសមីយ៉ាន់ម៉ា បន្ទាប់ពីរងការវាយប្រហារដោយគ្រោះរញ្ជួយដីកម្រិត 7.7 រិចទ័រ កាលពីថ្ងៃទី 28 ខែមីនា អមដោយការរញ្ជួយដីជាច្រើនលើកច្រើនសារទៀត ហើយ​តាមរបាយការណ៍នៅមាន​មនុស្ស​ជាង​ ២៧០​នាក់​នៅ​បាត់​ខ្លួន។

ទន្ទឹមនឹងនេះ ក្រុមអ្នកជួយសង្គ្រោះកំពុងស្វែងរកសាកសពព្រះសង្ឃប្រមាណ ១៥០អង្គ នៅក្រោមគំនរបាក់បែកនៃវត្ត អ៊ូ ឡា ថេន ក្នុងទីក្រុងម៉ាន់ដាលេយ នៅជិតចំណុចកណ្តាលនៃការរញ្ជួយដីនៅតំបន់សាហ្គាង ។ ក្រុមមន្ត្រីប៉ាន់ស្មានថា ព្រះសង្ឃប្រហែល 200 អង្គនៅវត្តត្រូវបានសុគតនៅពេលដែលអគារដួលរលំ ហើយថា 150 នាក់ផ្សេងទៀតនៅតែបាត់អង្គអាចនឹងត្រូវសុគត ។

លោក ទុន គី សមាជិកនៃគណៈកម្មាធិការប្រតិបត្តិនៃបណ្តាញបដិវត្តមូស្លីមមីយ៉ាន់ម៉ា បាននិយាយថា មានរបាយការណ៍ផងដែរអំពីការស្ល.ា.ប់របស់សិស្សសាលាយ៉ាងហោចណាស់ 50 នាក់នៅសាលាមត្តេយ្យក្នុងទីក្រុងម៉ាន់ដាលេយ និងការស្ល.ា.ប់ចំនួន 700 នាក់ទៀតក្នុងចំណោមអ្នកកាន់សាសនាឥស្លាមដែលកំពុងបន់ស្រន់មុនពេលវិហារមួយបានដួលរលំទៅលើអ្នកគោរពបូជា ហើយថាវិហារអ៊ីស្លាមប្រហែល 60 ត្រូវបានខូចខាត ។

ទីភ្នាក់ងារផ្តល់ជំនួយ និងអង្គការសហប្រជាជាតិ (UN) បានព្រមានថា គ្រោះរញ្ជួយដីអាចធ្វើឲ្យភាពអត់ឃ្លាន និងវិបត្តិជំងឺកាន់តែអាក្រក់ទៅៗ នៅក្នុងប្រទេសដែលជាកន្លែងពិបាកបំផុតមួយក្នុងពិភពលោក សម្រាប់អង្គការមនុស្សធម៌ដើម្បីធ្វើប្រតិបត្តិការដោយសារសង្គ្រាមស៊ីវិល ៕