• បង្កើនការផាកពិន័យ – ហុងកុងពិន័យអ្នកចោលសំរាមខុសច្បាប់រហូតដល់ 3,000 ដុល្លារហុងកុង (385 USD) ដែលបង្កើតប្រាក់ចំណូល 11,975,160 ដុល្លារក្នុងឆ្នាំ 2024
• ប្រើបច្ចេកវិទ្យាដើម្បីជួយចាប់កំហុស – ដំឡើងកាមេរ៉ា CCTV

នាយកដ្ឋានសុខភាពចំណីអាហារ និងបរិស្ថានរបស់ទីក្រុងហុងកុង (FEHD) បាននិយាយថា ឆ្មាំ ២០២៤ ខ្លួនបានចេញការផាកពិន័យចំនួន 31,945 សន្លឹកដល់មនុស្សដែលបានបោះចោលសំរាមមិនត្រឹមត្រូវ ឬជាមធ្យមផាកពិន័យ 84 នាក់ក្នុងមួយថ្ងៃ ដែលបង្កើតប្រាក់ចំណូលចំនួន 95 លានដុល្លារហុងកុង (2,239,705 USD) ដល់រដ្ឋាភិបាល។

នៅ​ទីក្រុង​ហុងកុង អ្នក​ណា​ដែល​បំពាន​ច្បាប់​សាធារណៈ​ទាំង​ប្រាំពីរ​ដែល​រដ្ឋាភិបាល​កំណត់​ ដូចជា​ការ​ស្តោះ​ទឹកមាត់​នៅ​ទីសាធារណៈ ​ឲ្យ​ឆ្កែ​បន្ទោរ​បង់​ពាសវាល ​ចោល​សំរាម​ក្នុង​សមុទ្រ ​ជាដើម នឹង​ត្រូវ​ពិន័យ​ជា​ប្រាក់ 3,000 ដុល្លារហុងកុង (385 USD)។

តាមពិត ហុងកុង​ធ្លាប់​ពិន័យ​ត្រឹមតែ 1,500 ដុល្លារ​ហុងកុង​ប៉ុណ្ណោះ​ ប៉ុន្តែពួកគេទើបតែចាប់ផ្តើមប្រមូលទ្វេដងនៅឆ្នាំ 2023 ដោយសារតែមនុស្សមិនអនុវត្តតាមច្បាប់ ។ រដ្ឋាភិបាលហុងកុងបាននិយាយថា ខ្លួនបានចេញការផាកពិន័យចំនួន 3,957 សន្លឹក និងកោះហៅចំនួន 1,250 សន្លឹក ដល់អ្នកចោលសំរាម ដែលថតដោយកាមេរ៉ា CCTV ដែលភ្ជាប់អ៊ីនធឺណិត។

នាយកដ្ឋាន​អាហារ និង​សុខភាព​បរិស្ថាន​ហុងកុង​បាន​និយាយ​ថា​៖ «​ការ​បង្កើន​ការ​ដាក់ទោស​ដាក់​ពន្ធនាគារ​របស់​រដ្ឋាភិបាល​ និង​សកម្មភាព​អនុវត្ត​ច្បាប់ ​មាន​ឥទ្ធិពល​យ៉ាង​ខ្លាំង ​ជួយ​សម្រេច​បាន​នូវ​គោលដៅ​របស់​រដ្ឋាភិបាល​ក្នុង​ការ​កែលម្អ​សុខភាព​បរិស្ថាន​»​។

ដូច្នេះហើយ ចំនួននៃការផាកពិន័យដែលបានចេញនៅឆ្នាំ 2024 បានធ្លាក់ចុះ 24% ពីឆ្នាំ 2023 (30,047 សន្លឹក) ហើយជាការថយចុះប្រហែល 30% បើប្រៀបធៀបទៅនឹងការជូនដំណឹងចំនួន 44,075 ច្បាប់ដែលបានចេញក្នុងរយៈពេល 12 ខែមុនពេលច្បាប់នេះត្រូវបានធ្វើវិសោធនកម្ម ៕

ប្រភព SCMP